Þakka ber íhaldinu

Þjóðin stendur í þakkarskuld við Sjálfstæðisflokkinn að hann hafi hamlað því að breyta megi stjórnarskránni með einu handarvinki. Í lýðræðisríki er mikilvægt að naumur meirihluti geti ekki keyrt stjórnarskrárbreytingar í gegn á stuttum tíma. Það er sjálfsagt að gera eins og Sjálfstæðisflokkurinn gerði á síðustu dögum þingsins kröfu um að stjórnarskrárbreytingar séu samþykktar af auknum meirihluta, bæði í þingi og þjóðaratkvæðagreiðslu.

En þetta fer að verða það síðasta sem hægt er að þakka Sjálfstæðisflokknum. Þeir félagar Bjarni Ben. og Illugi Gunnarsson reyna nú að tala upp í eyrun á ESB-sinnum með þeim hætti að það fer kjánahrollur um flesta sem á hlýða. Þeir munu með þessu engan sannfæra nema um það að flokkur þessi veit ekkert í hvorn fótinn hann á að stíga og verður af þeim ástæðum einum ófær til landsstjórnar.

Ég spái því að flótti ESB-sinna yfir í Samfylkingu verði jafn þrátt fyrir þetta útspil en aftur á móti munu hinir, alvöru sjálfstæðissinnar finna atkvæði sínu farveg hjá VG eða Frjálslyndum. Þegar við bætast svo svik flokksins í umræðunni um þjóðareign auðlinda, REI-hneykslið og barnaleg lýðskrum Tryggva Þórs Herbertssonar þá fer sem fer og nafni minn ekki öfundsverður af vegtyllum sínum...

Athugasemdir

[Alma Jenny Guðmundsdóttir, 20.4.2009 kl. 12:30]

Skrýtin skrif - það fór aldrei fram atkvæðagreiðsla.  Þó var næsta ljóst að það voru ekki eingöngu núverandi stjórnarflokkar sem vildu breytingar á stjórnarskrá - allir flokkar nema sjálfstæðisflokkur vildi ganga frá þeim breytingum á stjórnarskrá að ma.a yrði boðað til stjórnlagaþings og að sett yrði inn í stjórnarskrá ákvæði um að náttúruauðlindir skuli vera þjóðareign!

[Marteinn Unnar Heiðarsson, 20.4.2009 kl. 14:57]

ESB

Manni er farið að gruna að sambó hafi lofað ESB ráðherrunum eitthvað og þegið mútur styrki frá ESB í staðin og sama má sega um formenn ASÍ og marga aðra sem lofa ESB í hástert allavega er þetta fólk ekki að hugsa um hag þjóðarinnar það er einhverjar skrýtnar kendir þar að baki!!!!Afhverju vill þetta fólk ekki ræða um Dollar sem gengi fljótar fyrir sig og ekki þarf að láta fullveldi landsins á móti einsog sambó og ASÍ vilja gera.Það þarf ekki að fara í aðildarviðræður við vitum um 98% reglunum og hvað við fáum en það eru þessi 2% sem eru aðalmálið og allt snýst um .Það er nóg að senda 2 fúlltrúa þarna út til Brussel með eitt bréf sem í stendur þetta er það sem við viljum halda að fullu hér semsagt fiskimiðin-landbúnaðurinn-og okkar dýrmæta orka og náttúra og hvað viljið þið gera?ekki einfaldara.Og svarið verður stutt og laggott frá ESB farið bara heim aftur við höfum ekkert við ykkur að tala.Muna bara að kjósa ekki þennan spyllinga flokk sem vil afsala okkar sjálfstæði.

[Kolbrún Hilmars, 20.4.2009 kl. 15:12]

Bjarni, miðað við yfirlýsingar formanns SF í Z-viðtalinu í dag þá mætti halda að SF hafi gleypt vilja VG hvað varðar ESB andstöðuna.

Eins og mál standa nú er því ekki fýsilegt að kjósa VG sem ég var farin að trúa að væri skárri kostur en skila auðu.

VG þarf að lýsa því yfir skýrt og skorinort að sá flokkur sé ekki undirdeild í SF og muni standa við yfirlýsingar sínar um andstöðu við ESB aðild.

[Haraldur Haraldsson, 20.4.2009 kl. 16:32]

Þetta er það síðasta sem hægt er að þakka Sjálfst.fl,!!!!Bjarni  þetta getur ekki verið rétt að þú haldir að hann þurrkist út/Fyrir utan svo margt sem hægt er að þakka honum fyrir fyrr og siðar,hvar værum við stödd án framfara siðastu aldar/Kveðja Halli gamli

[Evreka (IP-tala skráð) 20.4.2009 kl. 18:18]

Er þetta ekki írónía og grín...?! - ég tek því allavega þannig.

Sjálfstæðisflokkurinn gaf lýðræðinu langt nef, með því að taka völdin af meirihluta Alþingis. Önnur eins lítilsvirðing á þingræðinu og lýðræðinu hefur aldrei sést. Meirihluti Alþingis (60%) og yfirgnæfandi meirihluti þjóðarinnar (ca. 80%) vildi þessar stjórnarskrárbreytingar. Hvað réttlætir það?? En vonandi munu kjósendur refsa þeim fyrir þetta ofbeldi gegn lýðræðinu (líklega hefur FLokkurinn tryggt Borgarahreyfingunni mönnum á þing með þessu athæfi).

Hinsvegar er ég sammála þér, Bjarni, að hugmynd Illuga og Bjarna er í besta falli pínleg leið í leit að atkvæðum. En hún er náttúrlega engan veginn boðleg og vonandi sjáum við ekki fleiri heilsíðuauglýsingar með þessu bulli, því þetta er fullkomlega óraunhæf og ómöguleg leið. Hvernig dettur þeim í hug að bera þetta á torg nú rétt fyrir kosningar...??

[Bjarni Gunnlaugur Bjarnason (IP-tala skráð) 20.4.2009 kl. 20:44]

Sæll nafni. ég var að gefast upp á að horfa á þessa blessaða afglapa sem eru hér í framboði.  Af því að þú ert nú á köflum heldur skynsamur þá ætla ég að demba yfir þig örfáum ráðum sem eru í raun kanski það eina sem Íslendingar geta gert í stöðunni.    Ráð 1. Hætta að halda uppi þessum brjálæðislegu vöxtum til þess eins að halda uppi gengi og kljást við jökklabréfin. (Og ljúga því að okkur sakleysingjunum að vextirnir séu til að vinna á verðbólgu sem engin er) 2. Kippa þeim íslendingum sem skulda í erldendri mynt, inn í krónuvagninn og leyfa svo genginu að falla. Þeir geta keypt krónur á því gengi sem þeir tóku lánin á og framreiknuðu á sömu vísitölu og hjá okkur hinum.  Þetta að leyfa genginu að falla,verður til þess að t.d. ferðalög íslendinga út leggjast svo til af. (Dæmi: Ef 100.000 íslendingar fara út á ári og eyða að meðaltali 300.000 krónum þá kostar það 30milljarða. )Áframhaldandi sparnaður af innflutningi.  Kostnaður við heilbrigðis og menntakerfi er að stærstum hluta launakostnaður og hann er INNLENDUR.  Þar þarf ekki að skera neitt niður en lyfjaverð hækkar að vísu. (Við eigum víst útrásarfabrikkur á Indlandi sem framleiða ódýr lyf) Veiða meiri fisk.  Láta atvinnulausa smiði gera upp gömul hús fyrir íslenskar krónur. Aukin innlend atvinna á flestum sviðum. Innflutningsfyrirtæki falla en það verður bara svo að vera, því miður.                 Það var sumsé krónan sem var (mis-)notuð til að koma okkur í vandann og hún getur dugað ágætlega að koma okkur úr honum aftur.

 Ég ætla ekki að prjóna lengra við þetta og sleppi alveg að ræða hvernig á að létta skuldabyrði þjóðarinnar með samningum við ERLENDA lánadrotna og stinga þeim íslensku inn, en nú líður mér aðeins betur, að vera ekki eini maðurinn á landinu sem veit hvaða leið er úr vandanum.              Ég veit þó alveg að þetta breytir ekki neinu um að aðrir halda áfram að þvæla um, Evrópubandalag, dularfullann niðurskurð, óskýrðar tekjur, búa til álver og atvinnu (án erlends lánstrausts), afskriftir á lánum sem ríkið verður að afla tekna til með "hinni hendinni" Málið er að þessi síð-68 kynslóð og uppakynslóð hefur ekki hugmynd um hvaðan lífsgæðin koma. Vilja bara taka lán, taka lán og ganga svo berrassaðir í evrópubandalagið þegar allt springur.

Bestu kveðjur úr sveitinni, Bjarni Gunnlaugur Bjarnason Skeiðháholti.