Helgakver er í undirbúningi

 

Sunnlenska bókaútgáfan undirbýr nú útgáfu á Helgakveri, bók sem hefur að geyma brot af því besta úr skrifum Helga Ívarssonar í Hólum í Stokkseyrarhreppi (1929-2009).

Helgi var með merkustu fræðimönnum Árnesinga og eftir að hann hætti búskap ritaði hann reglulega pistla í Sunnlenska fréttablaðið undir dálkaheitinu Sagnabrot. Sagnabrot Helga urðu á þriðja hundraðinu en í bókinni verður aðeins birtur hluti þeirra.

Áætlaður útgáfutími er komandi haust. Fremst í Helgakveri verður birtur listi yfir þá sem vilja votta Helga virðingu sína með því að gerast áskrifendur að bókinni. Fyrir nafnbirtingu greiða áskrifendur 3300 krónur. Hægt er að skrá sig í tölvupósti [e-mail] eða beint í athugasemdakerfi hér að neðan.

Athugasemdir

[Haraldur Baldursson, 12.5.2009 kl. 23:39]

Hljómar áhugaverð útgáfa....eru til sýnishorn af kverum Helga, sem birta má ?

[Bjarni Harðarson, 12.5.2009 kl. 23:48]

Já, á næstunni verða birt slík sýnishorn á vef Sunnlenska bókakaffisins og vísað í þau hér einnegin...

[Sigurlaug B. Gröndal, 13.5.2009 kl. 11:04]

Mér líst rosalega vel á þetta, Bjarni, gott framtak. Það var gaman að kynnast Helga og elju hans við að grúska í sögu af sunnlendingum og merku fólki sem alþýðu, baráttu fólks fyrir lífinu og eiga ofan í sig á. Mamma er ómöguleg manneskja eftir að  Helgi lést og pistlar hans ekki lengur til staðar. Hún beið alltaf eftir blaðinu og hvað Helgi kæmi með næst. Ég ætla gefa henni kverið þegar þar að kemur.