Í landi spillingarinnar...

Við búum í landi spillingarinnar og það er talandi dæmi um þetta ástand að uppsláttur Morgunblaðsins í dag er að Bakkabræður ætli sér að endurreisa atvinnulífið hér á landi með því að byggja upp matvælaverksmiðju. Þeir geta þá líklega ráðið húskarl sinn Sigurð Einarsson sem forstjóra og þá sem töpuðu aleigunni í Existu og Kaupþingi sem verkamenn.

Nú meira en hálfu ári eftir hrunið ræður Jón Ásgeir áfram yfir meirihluta allrar verslunar og yfir stærsta fjölmiðlafyrirtæki landsins. Veit sem er að maðurinn lifir ekki af brauði einu saman heldur þarf hann Fréttablaðið með sem er eins og allir hinir fjölmiðlarnir skrifaðir af sama settinu og áður lofaði útrásarvíkingana.

Það er eðlilegt að í svona samfélagi telji Valtýr Sigurðsson að það sé hann sem eigi að hafa Evu Joly í vinnu og Gunnar Birgisson verði hvumsa enda píslarvottur á skjön við allt og allt.

Boðorð samtímans á Íslandi er nefnilega, enginn skal axla ábyrgð!

 

Athugasemdir

[Guðbjörn Guðbjörnsson, 13.6.2009 kl. 11:04]

Sæll Bjarni

Já, það er allt á haus í þessu landi!

Ég er búinn með 240 síður í Hruninu eftir Guðna Th. og ¨við lesturinn er maður til skiptis sorgmæddur og reiður!

Siðferði sumra Íslendinga er vandamálið og ein aðalástæða hrunsins!!! 

[Lúðvík (IP-tala skráð) 13.6.2009 kl. 14:36]

Sá sem valdið hefur velur valdaklíkuna,sá sem aflið hefur ræður lögunnum,og valdið segir við almenning í landinu á fætur með þig og þegiðu!þið borgið brúsann og þann næsta líka,fyrir sömu stjórnmálapersónum og spillingarklíku,þetta hyski er er ekki lengur mannlegt það eru takmörk fyrir því hvað þrællin þolir.

[Kalli Sveinss (IP-tala skráð) 13.6.2009 kl. 16:42]

Félagi Bjarni !

 Hvernig ætla Bakkabræður að fjármagna matvælaverksmiðjuna ?

 Hverjir lána ?? - Exista ?!!

 Og við hvern talaði annar bræðranna fyrst allra um þetta mál ?

 Jú, Steingrím J. !!

 Ríkið lána ??!

 "...Jón Ásgeir ræður áfram yfir meirihluta allrar verzlunar og stærsta fjölmiðlafyrirtæki landsins".

 Hversvegna ?

 Vegna þess að " einkavinurinn" kjaftaskurinn á Bessastöðum, neitaði að skrifa undir lög, samþykkt af Alþingi íslendinga !

 Spæjarinn Eva Joly kæmist vafalítið í " feitt" ef hún kíkti djúpt í samskipti bóndans á Bessastöðum og útrásar-úlfsins Jóns Ásgeirs. !

 Þau viðskipti öll þyrfti að skoða frá toppi til táar.

 Eða sem Rómverjar sögðu.: " A capite ad calcem" - þ.e. " Frá toppi til táar " !!

[Tryggvi Marteinsson (IP-tala skráð) 13.6.2009 kl. 18:45]

Ég er sammála þér Bjarni um spillinguna og tel hana landlæga og hafi verið svo lengi. Það voru ekki síst Framsóknarmenn og Sjálfstæðismenn sem stjórnuðu landinu í aðdraganda hrunsins sem ábyrgðina bera. Ekki ætla ég síðan að bera blak af útrásarvíkingunum, þeir notfærðu sér ástandið og þurftu litla hvatningu. Lög voru brotin en ekkert við því gert. Þess vegna sé ég aðeins eitt ráð. Það er innganga í ES þar sem eitthvað af lögum þeirra yrðu þar með íslensk lög. Auðvitað er það mjög rómantískt að sitja hér og ráða öllu sjálf en er það eftirsóknarvert í okkar þjóðfélagi? Ég hef ekki séð Dani eða Svía hvað þá Þjóðverja stórskaðast á þessu. Þvert á móti hafa Danir aldrei verið meiri Danir og þiggja síðan aðhald frá ES. Öðru ráða þeir sjálfir.

[Ásta B (IP-tala skráð) 13.6.2009 kl. 19:10]

Nú er ég 100% sammála þér Bjarni. 

[Finnur Bárðarson, 13.6.2009 kl. 19:47]

Góð og beitt færsla Bjarni, tek undir hvert orð.

[Andrés Kristjánsson, 13.6.2009 kl. 21:47]

IPPON Bjarni. Fullkomnlega sammála þér.

kveðja.

[Tryggvi L. Skjaldarson, 13.6.2009 kl. 22:35]

Eru menn að uppgötva spillingu á Íslandi núna? Hvaða endemis bull er þetta.  Það hefur verið vitað áratugum saman að það skiptir máli hverra manna þú ert.

[Guðrún María Óskarsdóttir., 14.6.2009 kl. 01:07]

Góður pistill Bjarni.

Það er náttúrulega alveg brilljant að Bakkabræður, skuli nú ætla heim með matvælaiðnað svo ekki sé minnst á það að veita þeim vinnu sem þú nefnir he he...

Fyrirtækjasamkrull Jóns Ásgeirs á íslenskum markaði er sérkapítuli fyrir sig.

kv.Guðrún María.

[Steinar Immanúel Sörensson, 14.6.2009 kl. 09:21]

Það er ansi mikið til í þessu Bjarni, það er ansi langt síðan ég komst að þvi að spillingaröflin væru alls ráðandi hér á landi og klíkuskapurinn.

það er vel hægt að horfa á það sem þú talar hérna um en það má einnig líta til opinberra embættismanna sem sitja sem fastast í stólum sínum þrátt fyrir vanhæfi.

[B.N. (IP-tala skráð) 14.6.2009 kl. 10:15]

Húrra! er hrópað víða bæði hér innanlands og eigilega um gjörvallan heiminn ,,Láglaunalandið Ísland er Asía Norðursins.''  Vegna gengisfalls íslensku krónunnar að undanförnu spóka sig danskur póstberi sig um göturnar á danskri grund með litlar 500 þúsund krónur íslenskar fyrir dagvinnunna á mánuði. Á Íslandi fær atvinnurekandi 90% af launum manneskju sem vil vinna í fiski fyrstu mánuðina frá Vinnumálastofnun og hikar hann ekki við að halda starfsmanninum á lægsta mögulega taxtakaupi. Húrra,húrra segjum við íslenskir atvinnurekendur. Húsnæðið hjá almenningi er á hraðri niðurleið ásamt íslensku krónunni 40% íbúðaeiganda geta skráð sig gjaldþrota sem er auðvitað ekki inn í myndinni og þökk sé íslensku þrjóskunni. Húrra,húrra segja bankarnir nóg af skuldaþrælum! Atvinnuleysið eykst en er samt á hröðu undanhaldi láglauna erlenda vinnuaflið fúllsar við íslenskum launum og hverfur af landi brott og allir þeir Íslendingar sem en hafa bein í nefinu eru með sendiferðabílanna á planinu fyrir utan heimilið sitt til að flytja búslóðina með næstu ferð út fyrir landssteinanna. Húrra.húrra fyrir íslensku hugviti-þetta reddast.  Ég ætla að enda þetta með lítilli dæmisögu sem er sönn.  

Kona sem vinnur í fiski sem ég þekki í Danmörku er með 3048 krónur íslenskar fyrir hvern dagvinnutíma fyrir utan orlof sem er 12%. Kona sem ég þekki á Íslandi og vinnur sömu störf  er með 1050 krónur og með 10.17% orlof sem bætist við það. Ég er þess fullviss að ef íslenskt vinnuafl væri boðið íslensk launakjör í Danmörku væri það fyrirtæki þó það væri með fullorðna í vinnu kært fyrir barnaþrælkun því ekkert yfirvald tryði að fullorðin heilvita fólk í Vesturheimi ynni á slíkum ölmusugjöfum. 112- spekin sem hljóðar svona vertu vakandi yfir náunga þínum því hann gæti haft sitt hvað misjafnt í pokahorninu. Ekki hikka við að hringja þó þú sért ekki viss við hringjum svo í viðeigandi yfirvöld. Mér skilst að nú standi til að breytta boðskapnum þannig,,Ef það er eitthvað athugavert á þínu heimili hafðu þá samband strax á undan slúðurberunum og við munum koma þér og þínum til hjálpar því að betra er að grisja illgresið í eigin garði áður en maður fer að tala um hvað þyrnarnir á rósunum í kring geti stungið mann.

Baldvin Nielsen   Reykjanesbæ                                                                                                             

[Raunsær (IP-tala skráð) 14.6.2009 kl. 13:36]

Hvernig var fótunum komið undir Sigurð Einarsson? svar með helmingaskipti Sjálfstæðis og Framsóknar þegar þessir ævintýramenn fengu þá gefins.

[Ragnar L Benediktsson, 14.6.2009 kl. 15:24]

Er þetta nokkuð flóknara  ?

Nú er að verða ljóst að stjórnvöld hafa mjög takmarkaðan áhuga á að finna glæpamennina og þá peninga sem þeir hafa komið undan. Hvernig á að fara að því að rannsaka þetta svindl allt saman?Í Hvítbókinni eru 48 nöfn sem ég ætla að séu aðalmenn í þjóðar þjófnaðinum.Ég gef mér að þeir eigi maka og 3 börn. Þá eru það 48 x2 x3  = 288 einstaklingar.Ég gef mér að hver aðalmannanna eigi 3 sytkini  það eru 48 x 3 =144 einstaklingar og Þau eigi svo maka  og 3 börn 144 x 2x 3 = 432 einsaklingar.Einnig að systkini maka aðalmannanna eigi maka og 3 börn 144 x 3 =432.Bein fjölskydutengsl  1152 einstaklingar. Þá er eftir að telja vini úr Súpergaggó, Oddfellow og Frímúrurm, golffégaga, tengdarforeldra og börn þeirra, barnabörn  og saumaklúbba. Varlega áætlað 1152 x 5 = 5760 einstaklingar.Það er vandi að finna einstaklinga sem hafa færni og menntun til að takast á við rannsókn þessara glæpa  og eiga ekki skyldmenni eða vinu úr hópi glæponanna.  Þetta glæpalið er úr öllum flokkum og er því mjög erfitt að fá virtæna niðurstöðu án utanaðkomandi rannsakara.

[Hörður Halldórsson (IP-tala skráð) 14.6.2009 kl. 16:29]

Bakkavararbræðurnir(þeir eru af nesinu eins og ég ) byrjuði vel man einhver slagorðið "ef þú átt hrogn í kör hringdu þá í Bakkavör".Duglegir strákar..Það er eins og menn hafi tapað jarðsambandinu  á seinni árum.Þeir eru kannski að ná áttum.