Auðvitað var varað við harðri lendingu

blank_page

Í athugasemdum við síðustu færslu er ég beðinn að færa sönnur á að ég hafi varað við harðri lendingu hagkerfisins. Ég er hættur í pólitík og þarf þessvegna ekki eyða tíma mínum í að fletta stöflum af eigin skrifum sem ég enda engin á hér í tölvunni eldri en 2008, - annað er á flökkurum ofan í kassa.

Án þess að hafa mikið fyrir svarinu ætla ég samt að benda á þrjú skjöl sem öll eru aðgengileg hér á netinu. Í fyrsta lagi þingskjal frá 2007 sem ég lagði fram í umræðu um fjárlög þar sem ég vara við harðri lendingu í hagkerfinu, sjá hér http://www.althingi.is/altext/135/s/0458.html

Hér var ég m.a. að taka undir viðvaranir Seðlabanka, OECD og hagfræðinga (ekki samt þeir sömu og yfirleitt eru í fréttatímunum.)

Síðan skrifaði ég greinar í maí og júlí 2008 sem margir töldu mikla svartsýni þá:

http://bjarnihardar.blog.is/blog/bjarnihardar/entry/545670/

og hér

http://bjarnihardar.blog.is/blog/bjarnihardar/entry/601142/

Í leiðaraskrifum Sunnlenska má svo finna greinar frá því á árinu 2006 og þaðan af fyrr þar sem ég vara við einkavæðingunni og fordæmi hvernig að henni var staðið og hversu lík hún var einkavæðingu eftir fall kommúnismans í Rússlandi. 

Athugasemdir

[Kalli Sveinss (IP-tala skráð) 20.8.2009 kl. 21:59]

Félagi Bjarni !

 Sko minn mann !

 Þú á liðnu ári vissulega " rödd hrópandans í eyðimörkinni !

 Enginn las !

 Enginn hlustaði !

 Friedmann og Hannes Hólmsteinn ættu báðir að roðna og skammast sín !

 Fornaldardýrkandinn óforbetranlegi, sveitamaðurinn og kjaftaskurinn úr Tungunum, - var sannarlega búinn að vara við hruninu !!

 Félagi !

 Huggaðu þig við orð Rómverjans.: " Abnormis sapiens crassaque Minerva" - þ.e. " Fæddur spunukarl -  með hestaheilsu" !!