Ögmundur maður að meiri

Ögmundur er maður að meiri að hafa sagt af sér og svolítið fellur nú á heilaga ásjónu Jóhönnu. Best væri ef þetta yrði upphaf að því að við rækjum bæði Icesave og Alþjóðagjaldeyrissjóðinn af höndum okkar.

Ég spái því að vinstri stjórnin lifi þetta af enda sé ég í augnablikinu ekki betri kosti í stjórnarmynstri. Versti kosturinn yrði að endurvekja Viðeyjarskottuna með Samfylkingu og Sjálfstæðisflokki og það er ekki tímabært að VG myndi stjórn með Sjálfstæðisflokki meðan enn er mikið óunnið í uppgjöri við kreppuna og langa stjórnartíð íhaldsins. Þriggja flokka stjórnir eða þaðan af fjölmennari eru líka afar vondur kostur enda situr allt fast í slíkri stjórn.

Ögmundur segir af sér

Athugasemdir

[árni aðals (IP-tala skráð) 30.9.2009 kl. 14:09]

svo verður nú að gefa nýráðnum ritstjóra morgunblaðsins tíma til að endurskrifa söguna í framhaldsleiðréttingapistlinum "saga hrunsins" 

[Kalli Sveinss (IP-tala skráð) 30.9.2009 kl. 14:33]

Félagi Bjarni !

 Heilshugar sammála !

 Burt með Icesave & Alþjóðagjaldeyrissjóðinn !

 Manstu hvað " Kalli Sveinss" sagði fyrir 3 dögum ? Hvert orð að sannast.!

 Erum á heljarbjargi með þjóðfélagið. Flokkadrætti út í ystu myrkur !

 Eina sem dugar er ÞJÓÐSTJÓRN !

 Síðan lán frá USA & Kínverjum !

 Sannast og sýnt sig, að " vinátta frænda " okkar á Norðurlöndum, er einfaldlega " skúffuvinátta" !

 Eða sem Rómverjar sögðu.: "Ollae amicitia" - þ.e. " Skúffuvinátta" !!

[Ísleifur Gíslason, 30.9.2009 kl. 14:36]

Mætum öll á Austurvöll á morgun kl 13:00 til að mótmæla fjárkúgunartilraunum ríkisstjórnarinnar í þágu Breta, Niðurlendinga og AGS.

ÁFRAM ÍSLAND
NEI við ESB  -  NEI við Icesave - NEI við AGS

Styðjum Samtök Fullveldissinna
http://www.fullvalda.is

http://fullvalda.blog.is/blog/fullvalda/

[Árni Gunnarsson, 30.9.2009 kl. 15:24]

Nú treysti ég helst á að Mugabe komi okkur til bjargar.

[Offari, 30.9.2009 kl. 15:34]

Gerum bara Davíð að einræðisherra. Hann virkar best þegar engir eru að þvælast fyrir honum.

[Guðbergur Egill Eyjólfsson, 30.9.2009 kl. 17:54]

Ögmundur er að gera rétt úr því sem komið er. En þær aðstæður sem hrekja hann til þessarar aðgerðar eru ólíðandi. Jóhanna hótaði stjórnarslitum í aðdraganda ESB atkvæðagreiðslunnar og síðan aftur hér.
VG lúffar og lúffar til þess að forða niðurskurðar hnífnum frá íhaldinu, sá vilji er góðra gjalda verður en við þessi vinnubrögð samfylkingarinnar verður ekki unað til lengdar.
Ég er sammála sem þú segir hér að ofan Bjarni en ef þetta eru þau vinnubrögð sem SF ættlar að viðhafa þá verður þetta ekki langlíf ríkisstjórn. Síðan er meira í spilunum. SF er búin að ná sínu helsta baráttumáli fram, það er umsókn að ESB og nú eru VG farin að þvælast fyrir áætlunum SF varðandi hið "fagra Ísland" Samfylkingarinnar og því má VG missa sín að þeirra mati.

[-sigm. (IP-tala skráð) 30.9.2009 kl. 18:07]

Hér mega menn ekki við stjórnarkreppu. Nær væri þá að bjóða framsókn að koma inn með ca. 2 ráðherra, ná norska láninu, og senda IMF heim.

En stjórnin líður fyrir andvaraleysi og ESB áhuga.... örfárra.

[Ásdís Sigurðardóttir, 30.9.2009 kl. 19:00]

Maður að meiri, fruss nú hlæ ég, sorry

[Glúmur (IP-tala skráð) 30.9.2009 kl. 23:27]

Erum við ekki svolítið vænisjúk í talinu um óvinina, AGS, Breta og Hollendinga?

Látum við ekki hina raunverulegu hrunvalda ganga lausa með sitt á þurru?

Og kusum við ekki suma þeirra til þess að slökkva bálið sem þeir sjálfir kveiktu?

[Soffía (IP-tala skráð) 1.10.2009 kl. 11:29]

Aldrei hélt ég að ég myndi liggja á bæn og senda góða strauma til þingmanna VG! En nú virðast þeir eina von okkar þ.e. ef þeir bera gæfu til að fella þetta Icesave kjaftæði! Hvarflar ekki að mér að eyða bænum mínum á Samfylkingarfólk því þeim verður ekki bjargað héðan af.