Hvað kosta símtöl?

Var að koma af heimasíðu símans þar sem ég leitaði að því hvað viðtalsbilið kostar. Hver væri kostnaðarmunurinn á farsímasamtali og beinlínusímtali o.s.frv. Vegna rekstrarverkefnis sem ég hefi þvælt mér inn í þarf ég að setja tölur þessar inn í áætlanagerð og taldi nú lítið mál að fletta þessu upp?

En þetta finnst ekki við einfalda leit á heimasíðu símans og ekki yfirleitt á heimasíðum nógu ofarlega til að mér takist að gúggla þessar upplysingar fram. Fann að vísu gjaldskrár en þær voru 5 og 10 ára gamlar. Að lokum fletti ég upp í símaskránni sem geymdi þessar upplýsingar í gamla daga en einnig hún brást. Dæmigert fyrir upplýsingasamtal sem er svo yfirfullt af gagnslausum upplýsingum að ekkert pláss er lengur fyrir þær sem skipta máli.

Á morgun þarf ég að hringja í símann og spyrja og þar með hefur nú síminn eitthvað fyrir sinn snúð!

Athugasemdir

[Ásdís Sigurðardóttir, 8.10.2009 kl. 19:39]

Ég hélt að þetta væri á netinu, en það borgar sig kannski ekki að maður viti þetta, einhverjum dytti þá í hug að gera samanburð og færa sig

[Guðrún Markúsdóttir, 8.10.2009 kl. 19:50]

Tal sendi mér upplýsingar um verð í tölvupósti fyrir skömmu - þær upplýsingar voru svo flóknar að það hefði tekið marga daga að finna út hvað símtal kostaði. Nokkrum dögum seinna var hringt og tilkynnt að þetta væri úrelt, og komin ný gjaldskrá - og nú var bara vísað á heimasíðuna. Ég ákvað að vera kyrr hjá Símanum, hélt að allt væri einfaldara þar!

[Bjarni Sigtryggsson (IP-tala skráð) 8.10.2009 kl. 20:06]

Póst- og fjarskiptastofnun hefur eftirlit með verðlagningu símafyrirtækja og þetta ætti að vera finnanlegt á heimasíðu hennar:

http://www.pta.is/Default.aspx?cat_id=236

[JR (IP-tala skráð) 8.10.2009 kl. 22:47]

Bjarni.

Ef þú átt ,,vin" hjá einu símafyrirtæki, sem þú hringir í, þá þarftu að borga.

Ef þú átt engan  ,,vin" hjá einu símafyritæki, sem þú hringir ekki í, þarftu ekkkert að borga .

Villtu eiga ,,vin" eða villtu ekki eiga ,,vin" ?

Annars eru símafyrirtækin alltaf að auglýsa að það kosti ekkert að hringja !

[Hrönn Sigurðardóttir, 8.10.2009 kl. 23:13]

Já þetta er flókið! Bezt er að gera bara eins og ég - eiga enga vini og þurfa því aldrei að hringja ;)

[Steingrímur Helgason, 8.10.2009 kl. 23:54]

Hrönnzla, ég hringi í þig, 'collect' ...

[Jón Örn Arnarson, 9.10.2009 kl. 01:29]

Það er einfaldara að átta sig á einkavinavæðingu bankanna bæði fyrir og eftir hrun enn gjaldskrá símafélagana

En hvortveggja mætti flokka undir rán. Og bæði bankar og símafélög komin að mestu undir undir ríkið aftur þó engin viti af þvi

Talandi um síma - hvað varð um Síma peningana  sem átti að m.a. byggja hátæknisjúkrahús fyrir? Var þetta bara enn ein vina og vandamanna hjálp ráðamanna?

Ef okkar sjúka samfélag væri bara símavandi - þá væri lítið mál að bjarga hlutunum

[, 9.10.2009 kl. 02:41]

SKO - ef þú vilt ódýrasta gjaldið þá er mínútuverðið 11.45 krónur sama hvort það er innan sama félags eða ekki en ef þú vilt hringja ókeypis í 6 vini þá kostar það 1990 krónur á mánuði - bíddu nú við - er það ókeypis????  Allt sama bullið og kostar hvítuna úr augunum á endanum - ja nema þú þekkir engan

[Edward Gump, 9.10.2009 kl. 08:12]

:)  Ef þú ferð á heimasíðu vodafone, velur á forsíðunni "verð"  og svo "heimasími", þá ertu kominn inn á verðskrána.  Hjá símanum velur þú á forsíðunni "áskrift í heimasíma" og svo verðskrá.

Ég heyrði einhverntíman af því að þú ættir stundum í vandræðum þegar þú sendir tölvupósta.  Kannski á það sama við þegar þú ert að reyna að finna eitthvað á heimasíðum.  ;)

[Kristján (IP-tala skráð) 9.10.2009 kl. 09:45]

Nota VoipCheap.com

Borgar 3 evrur í fastgjald á 3 mánada fresti og hringir frítt í alla fastlínusíma heimsins. 

[Kristján (IP-tala skráð) 9.10.2009 kl. 09:48]

Afsakid,

gjaldid fyrir Voipcheap er 10 evrur á 3 mán fresti, gerir 3,33 evrur á mánudi.

[Bjarni Harðarson, 9.10.2009 kl. 11:30]

ég var að vona að þetta myndi virka svo ég þyrfti ekki að hringja neitt - en jafnvel hinn kurteisi Gumpur hér að ofan er nálægt því að leysa þessa gestaþraut netsins...