Icesave er reikningur fyrir vonda pólitík

Nú í hádeginu fundar ríkisstjórnin um enn eina Icesave lausnina, heldur verri en þá sem Alþingi samþykkti í sumar. Eina góða lausnin á þessu máli væri að vísa greiðsluskyldu Íslands alfarið á bug en sá valkostur er ekki fyrir hendi lengur eftir ítrekuð fyrirheit íslenskra ríkisstjórna um að greiða. Ég fjallaði lítillega um þetta í Morgunblaðsgrein í vikunni, sem lesa má hér.

Hvað sem segja má um Svavar Gestsson, Alþjóða gjaldeyrissjóðinn og ESB-rörsýn íslenskra krata þá stendur samt upp úr að Icesave er fyrst og síðast reikningur fyrir þá vondu pólitík fyrri ára að gefa íslensku bankana vinum og kunningjum. 

Athugasemdir

[Jakob Þór Haraldsson, 18.10.2009 kl. 10:43]

Minn tími mun koma, því miður rættist sú hótun!  Verkstjórn Heilögu Jóhönnu hefur því miður frá byrjun verið til skammar.  Guð blessi alheiminn.

kv. Heilbrigð skynsemi (fun.blog.is)

[Jóhannes Laxdal Baldvinsson, 18.10.2009 kl. 11:04]

Ég held að Icesave sé miklu meira en það Bjarni. Icesave er siðferðisuppgjör heillar þjóðar. Hvernig augum við viljum að aðrar þjóðir líti okkur í framtíðinni.

Viljum við ekki að um okkur verði sagt, "Ísland fór á hausinn en þeir stóðu sína plikt gagnvart öðrum þjóðum"

[Sæmundur Bjarnason, 18.10.2009 kl. 11:33]

Alveg sammála þér, Bjarni. Það er ekki um neitt annað að ræða úr því sem komið er en að borga.
Hér í kommentum er minnst á Jóhönnu. Held að hún sé alls ekki verri en aðrir sem líklegir eru í þetta starf.

[Kalli Sveinss (IP-tala skráð) 18.10.2009 kl. 22:25]

Einföld spurning.

 Hvar annarsstaðar í heiminum, skyldu skuldir  EINKAbanka, verða að skuldum fólksins í landinu ?? !!

 Síðan ,ef það félli dómur sem væri okkur í hag, þá skrifuðum við upp á að við njótum  EKKI góðs af því !

 Það er verið að afsala okkur slíkum grundvallarmannréttindum, að annað eins hefur ekki sést í sögu lýðveldisins !

 Og það sem er verst, þetta er gert viljandi af fólki sem á að vera með fullu viti !

 Eða sem Rómverjar sögðu.: " Consilio, non impetu" - þ.e. " Viljandi gert" !!

[Haraldur Haraldsson, 18.10.2009 kl. 23:19]

er algjörlega sammála Kalla Sveinss.hér á undan hann bókstaflega tók af með orðið/Kveðja Halli gamli