Sigurður fótur á metsölulista

Sigurðar saga fóts er á metsölulista Eymundsson yfir skáldverk, þar í 13. sæti sem er mikið happanúmer.

Fjöldi skáldverka er meiri nú en verið hefur undanfarin ár og því telst mikill árangur að ná inn á nefndan lista. Eins og eðlilegt hlýtur að teljast verma sakamálasögur flest efstu sætin, fjögur af sjö og þar eru Arnaldur og Yrsa eðlilega á toppnum. Næst þeim koma svo tvær bækur sem báðar hafa fengið lofsamlega dóma, m.a. hér á bloggi undirritaðs, Ljósa eftir Kristínu Steins og Svar við bréfi Helgu eftir Bergsvein Birgisson.

 

Listinn er annars svohljóðandi og nær til bæði skáldsagna og ljóða í sölu Eymundssonverslana síðustu viku nóvember.

1. Furðustrandir /  Arnaldur Indriðason

2. Ég man þig /  Yrsa Sigurðardóttir

3. Ljósa /  Kristín Steinsdóttir

4. Svar við bréfi Helgu /   Bergsveinn Birgisson

5. Hreinsun /  Sofi Oksanen

6. Morgunengill /  Árni Þórarinsson

7. Önnur líf /  Ævar Örn Jósepsson

8. Mér er skemmt /  Einar Kárason

9. Drottning rís upp frá dauðum /  Ragnar Arnalds

10. Heimanfylgja /  Steinunn Jóhannesdóttir

11. Landnemarnir /  Vilhelm Moberg

12. Bréf til næturinnar /  Kristín Jónsdóttir

13. Sigurðar saga fóts /  Bjarni Harðarson

14. Frumskógarbókin /  Rudyard Kipling

15. Myrkvun /  Stephenie Meyer

Athugasemdir

[Gunnlaugur I., 3.12.2010 kl. 17:48]

Sæll Bjarni.

Innilega til hamingju með velgengnina á bókmenntasviðinu vinur minn.

Bókin þín "Sigurðar saga fóts" ætlar sannarlega að ná til fólks.

Er þetta saga einhverrar raunverulegrar persónu sem er/var til í lifanda lífi ?

Ég las athugsemdir þínar og skýringar um ályktanir Flokksráðs VG með athygli en var samt litlu nær.

Hvar ætlar þessi óþjóða Brussel leiðangur eiginlega að enda !

Ég á ekki orð yfir þessum hártogunum og eftirlátssemi við þennan vandræða flokk Samfylkinguna. 

Þið þurfið að taka þetta mál föstum tökum á næsta landsfundi VG, þar sem flokksforustunni verður algerlega settur stólinn fyrir dyrnar með þetta ESB daður.

Annars er þetta að verða eins og minnkagreni hjá þar sem eru 25 útgangar fyrir flokksforustuna  og þeim verður endalaust leyft að finna hinar ýmsu útgönguleiðir til þess að halda áfram þessum svikum í skjóli Samfylkingarinnar við svíkja kosningaloforðin.

Vona að þú munir standa í ístaðinu og ganga heill gegn ESB helsinu ! 

[Ólafur Ingi Hrólfsson, 5.12.2010 kl. 08:35]

Það er ekki slæmt að vera fyrir ofan Kipling á listanum -

Til hamingju með bókina.