Af því að Ísland er fullvalda en Írland ekki!

... Ísland setti neyðarlög sem skákuðu eitruðum lánum erlendra risabanka til hliðar, einmitt og nákvæmlega í ljósi neyðarréttar fullvalda ríkis til að gæta hagsmuna sinna. Á Írlandi var tekið allt öðruvísi á málum, vegna aðildar landsins að ESB. Ráðamenn voru ekki sjálfráðir gerða sinna og segir það sitt um áhrif aðildar á fullveldi ríkja.

(Ragnar Önundarson: Stjórnmálaskólinn við Austurvöll, Mbl. 11. desember 2010)

Athugasemdir

[Aðalsteinn Agnarsson, 11.12.2010 kl. 13:17]

Frjálsar handfæra eða smábátaveiðar leysa atvinnu og fátæktarvanda

Íslendinga, ekki nýjar lántökur!

Mætum á Austurvöll alla fimmtudaga kl.14.oo.

[Jón Valur Jensson, 11.12.2010 kl. 15:15]

Algjörlega rétt hjá Ragnari, Bjarni. Ég hafði einmitt tekið eftir þessum skrifum hans, en hafði bara ekki unnizt tími til að blogga um málið. En þetta eru enn ein meðmælin með því, að við höldum í fullveldisréttindi stjórnarskrárinnar sem fjöregg okkar þjóðar og látum ekki blekkjast af ESB-sinnum, hvorki úti í þjóðfélaginu né á stjórnlagaþingi, til neins annars fyrirkomulags á stjórnskipulagi okkar og stjórnarháttum.

Önnur ástæða, ekki síður nærtæk, er makrílmálið í sumar og reyndar áður líka og eftirleiðis: Það er í krafti fullveldisréttar okkar, sem við getum veitt hér eðlilegan hluta hins geysistóra makrílstofns NA-Atlantshafs og ætlað okkur 17% hlut í heildarveiðum hans í sumar, þvert gegn frekjulega framsettum viljayfirlýsingum ESB, sem vildi að við fengjum þar einungis 3,1% hlut! Værum við í ESB, fengjum við engu um þetta ráðið, þetta telst flökkustofn, og yfir þeim áskilur ESB sér ALGER og FORTAKSLAUS yfirráð.

Já, það er sannarlega sístæð auðlind, fullveldið okkar.

Með góðri kveðju,

[Hólmsteinn Jónasson (IP-tala skráð) 12.12.2010 kl. 12:39]

Einmitt ! The problem of the Irish banks was a combination of no proper risk management by the banks, a lack of regulation and politicians looking the other way, an intransigence of some eurozone members to consider a fiscal mechanism, and an inflow of foreign money, particularly from other European banks, as a result of the exchange rates established for the euro between the eurozone countries, creating a housing and construction bubble with the help of developers.  When the bubble burst, the Irish government was cajoled into saving the banks and compounding the problem with a poorly formed "bad" bad bank rather than letting the banks fail and be restructured.  Instead, they were encouraged to endow a capitalism without losses. Yet, as Iceland demonstrated, any sovereign country with its own currency has the power to protect its people and remain free.  Irish 4 year deficit reduction budget, containing a 15 billion euro austerity program, necessary to facilitate the IMF/EU bailout of 85 billion euro, of which 35 billion would be for the Irish banks and 17.5 billion would have to be contributed from Irish pension funds .

http://www.creditwritedowns.com/2010/12/irelands-indentured-servitude.html

[Kalli Sveinss (IP-tala skráð) 12.12.2010 kl. 17:18]

Ja hérna !

 Og hver skyldi hafa staðið í stafni þegar neyðarlögin voru sett til að " skáka eitruðum lánum erlendra ríkisbanka" ??

 Endurtek, hver stóð þá í stafni ?

 Jú, maðurinn sem hópur vesalinga á Alþingi Íslendinga hefur nú stefnt - fyrstum Íslendinga  - fyrir Landsdóm ! 

 Um þá aumu  þingmenn sem að þessum gjörningi stóðu, hefðu forðum daga Rómverjar sagt.: " Cave canem" - þ.e. " Vesælir hundar" ! 

[Halldór Egill Guðnason, 13.12.2010 kl. 02:34]

Undarlegt að þú skulir skella þessu svona fram. Nú ert þú Vinstri Grænn og þar með á móti aðild að ESB, en þiggur engu að síður laun úr hendi minni, sem opinber starfsmaður í vinnu fyrir VG, sem er á móti aðild að ESB, en er engu að síður í stjórn með flokki, sem hefur það helst að markmiði að ganga í ESB...............................Selurðu ís í Bókakaffinu?

[Bjarni Harðarson, 13.12.2010 kl. 16:46]

Takk fyrir innlitið Halldór, ég er alveg sammála þér að þetta er allt mjög undarlegt og langt utan þess að guð almáttugur geti skilið, stundum finnst mér jafnvel að ég skilji þetta ekki sjálfur. En nei, ég sel ekki ís en við erum með vöfflur með rjóma...

[Valgeir Matthías Pálsson (IP-tala skráð) 13.12.2010 kl. 21:12]

Takk fyrir flotta pistla Bjarni minn. Alltaf gaman að lesa bloggið þitt. Knús á þig vinur.