Loksins kvennafar

- Yes, this is first class.

- Sure.

- See, your ticket... This is your seat.

Pakistan er land karlmanna. Hvar sem maður kemur eru aðeins kallar; í búðum, á götuhornum og hótelum. Konur eru ekki aðeins sjaldséðar. Ef þær ber fyrir þá sést einfaldlega ekki í þær.

Það var því óvænt ónægja þegar þrjár blómarósir með slegið hér tóku á móti mér í lestinni milli Lahore og Multan. Hér er enskukunnátta mjög fátíð en þessir englar töluðu hana og snerust í kringum mig eins og ég væri prinsinn á hvíta hestinum sem þær hefðu einmitt verið að bíða eftir.

Þegar þær höfðu vísað mér til sætis og voru horfnar kom móðir þeirra, breiðleit og fríð kona á fimmtugsaldri með allar þrjár með sér og sagði blátt áfram eftir að hafa heilsað mér.

- Do, you vant a company?

Þegar ég jánkaði því skildi hún englana þrjá eftir en fór sjálf að eitthvað að sýsla. Kom svo skömmu síðar og sat hjá okkur í þægilegu og frjálslegu spjalli fyrsta hálftíma ferðarinnar. Ég var sem betur fer alltof ringlaður af þessari athygli til þess að leiða hugann að nokkru sem ekki má og eins gott því vitaskuld voru þetta börn, 14, 18 og 20 ára.(Þannig talið frá hægri m.v. myndina. Á neðri myndinni er sú í miðið ásamt móður sinni.)

Þá kom einn af þessum óborganlegu pakistönsku lestarmiðamönnum í einkennisbúningi og með fimm hringa á hvorri hendi. Hann skoðaði miðann minn og rak mig yfir í lúxusvaginn.

Þar voru bara kallar!

Athugasemdir

[Vilhjálmur Örn Vilhjálmsson, 31.1.2012 kl. 09:25]

Maður vonar að þetta hafi ekki valdið konunum of miklum vandræðum, en líklega hefur lestamiðakallinn bara verið afbrýðissamur fyrst þú varst búinn að taka eftir öllum hringunum hans. Hér lýsir þú unaðslega tvískinnunginum í móral mannsins.

[Einar Jón, 31.1.2012 kl. 13:05]

Getur verið að þú hafir setið í "ladies only" vagninum?
Þeir eru miklir fylgismenn Hjallastefnunnar í þessum heimshluta.

[Gústaf Níelsson, 31.1.2012 kl. 13:59]

Heldurðu Bjarni að þú hafi ekki eitthvað misskilið konugreyið þegar hún spyr þig svo innilega:"Do, you vant a company?" Ég þekki Íslendinga, sem komið hafa á evrópska næturklúbba og eru alveg steinhissa á því hvað allar stúlkurnar eru vinsamlegar!!

[Haraldur Haraldsson, 2.2.2012 kl. 17:53]

Óborganlegur Bjarni bloggvinur,tel mig hafa verið hugaðan en þessu ekki þorað/Kveðja og góða ferð/,þu átt konu og börn!!!!!