Tóm hamingja á Sólbakka

Í sumarönnum er lítill tími til bloggs. Ofan á ferðamannastraum hef ég fyllt Sólbakkann af útlendu vinnufólki sem hamast hér við skráningar í gagnagrunn fornbókaverslunarinnar.

Hér er hluti af hópnum, f.v. talið bandaríkjakonan Grace, Jósef og Chai frá Singapore, Sophie sem er eiginlega kínverskur Hollendingur frá Bretlandi(!), Kelvin frá Singapore (Kai Chun Chua) og Mimi sem er pólskættaður Kanadamaður. Á myndina vantar Asjerbajstan sem er úr Hreppunum,  Gunnlaug Velding sem er alltaf á Þingvöllum og íslenska leynisjálfboðaliðann sem er úr Kópavogi og á afmæli í dag...

Athugasemdir

[Guðjón Sigþór Jensson, 29.6.2012 kl. 22:52]

Mig langar til að forvitnast Bjarni en greiðir þú þessu fólki þóknun? Og ef svo er hvernig er með skattgreiðslur? Hefur þetta fólk atvinnuréttindi að starfa hér?

Eg leyfi mér að spyrja því þarna er e.t.v. um sérhæfð störf að ræða og meðal fagfólks er atvinnuleysi.

Sjálfur hefi eg sem fagmaður á sviði bókvísi ekki haft nánast engin snöp undanfarna 4 vetur frá því að Iðnskólinn í Reykjavík var einkavæddur og sameinaður öðrum skóla undir nýju nafni.

Mér finnst þetta vera nokkuð kyndugt að ekki sé meira sagt.

Vinsamlegast og bestu kveðjur austur í sveitir.

[Valgeir Matthías Pálsson (IP-tala skráð) 5.7.2012 kl. 14:04]

Bestu kveðjur...