Ómerkilegar eftirá hótanir

Samfylkingin er aðeins farin að gefa sig miðað við það sem var 2009.

Nú lætur hún duga að koma með hótanir um stjórnarslit eftir að VG er búið útvarpa því skýrt og greinilega að flokkurinn ætli örugglega ekkert að hrófla við aðildarviðræðunum.

Það er nú nógu slæmt að við vinstri sinnaðir ESB andstæðingar getum ekki treyst VG. Getur verið að ESB geti heldur ekki treyst Samfylkingunni? Hvar endar þetta, Steingrímur minn?

Viðræðuslit leiddu til stjórnarslita

Athugasemdir

[Kristján B Kristinsson (IP-tala skráð) 27.8.2012 kl. 22:15]

Þú veist það Bjarni að Samfylkingunni hefur alltaf tekist að láta samstarfsflokka sína sitja uppi með svarta pétur, það kæmi ekki á óvart að þeim tækist líka að láta ESB sitja uppi með hann líka.

[Ingibjörg Guðrún Magnúsdóttir, 27.8.2012 kl. 22:40]

Já Bjarni með réttu þá ætti VG núna að slíta þessu og leyfa Þjóðinni að segja til um næsta skref í þessu mikla máli ESB...

Þannig er ég viss um að VG fái kjósendur sína til baka og alveg örugglega ef að þeir í VG gerðu nú svo mikið að losa sig við svörtustu sauðina sem hafa brotið á stefnu flokksins og eru næstum því búnir að eyðileggja flokkinn...

Allt veltur á næstu skrefum VG...

Kv.góð

[Hilmar (IP-tala skráð) 27.8.2012 kl. 22:45]

Nei Bjarni, Árni Páll er ekki að hóta VG, Árni Páll er að niðurlægja VG.

Sennilega að láta reyna á það, hversu miklu VG getur kyngt.

Árna þætti það ekkert leiðinglegt, ef stjórnin spryngi. Þð myndi hjálpa honum í formanninn. Ekki gæti Jóhanna setið lengur, búin að klúðra ríkisstjórninni.

Þetta er þó til lítils, því þingmenn VG hafa áttað sig á, að betra er að halda í launin og bæta eftirlaunasjóðinn, en sprengja stjórnina. Þeir verða hvort eða er atvinnulausir eftir næstu kosningar.

[Óskar Guðmundsson, 27.8.2012 kl. 23:59]

Eina leið VG frá því að þurrkast að mestu út í næstu kosningum er að láta ekki kúga sig núna.