Tíma-Tóti tók við mig viðtal og kötturinn hvæsti

Í eina tíð unnum við saman, ég og Tíma-Tóti, Þórarinn Þórarinsson ritstjóri Tímans (1914-1996). Ljúfur maður og eftirminnilegur fyrir djúpa framsóknarlega lífspeki.

Í síðustu viku tók svo annar Tíma-Tóti við mig viðtal, sonarsonur þess fyrrnefnda og starfar á Frétta-Tímanum. Giska gott og vel skrifað eins og við er að búast af svo vel gerðum blaðamanni.

Á einum stað skripaðist okkur þó og kannski verið mér að kenna en allt í einu var ég orðinn kattlaus maður sem ekki er - þó svo að vitaskuld eigi kötturinn Ása Signý sig mest sjálf þá er hún hér til heimilis.

En allavega viðtalið er hér og kötturinn er að jafna sig... 

Athugasemdir

[Valgeir Matthías Pálsson (IP-tala skráð) 14.11.2012 kl. 20:21]

Góður Bjarni, eins og alltaf. Haltu áfram að blogga Bjarni minn. Þú ert flottur.

Kkv.

Valgeir M. Pálsson

[Guðjón Sigþór Jensson, 17.11.2012 kl. 14:04]

Tíma-Tóti var rökfastur en varfærinn. Fyrir það ætti hann að vera góð fyrirmynd þeirra láta til sín taka í fjölmiðlum.

Á þeim árum stjórnmálasögunnar sem nefnd hefur verið „Viðreisn“ (1959-1971) var ÞÞ gjarnan í skopmyndum í Morgunblaðinu. Sigmund teiknaði hann að jafnaði sem ofursmáan, siglandi á hlandkopp, augljóslega aukapersóna í þáverandi stjórnarandstöðu. Aldrei hefi eg fengið viðhlítandi skýringu á þessu en ÞÞ varð snemma sköllóttur. Ef þar hefur verið samlíkingin við koppinn þá er sennilega hér eitt skýrasta dæmið um einelti í íslenskri pólitík.  

Þess má geta að þetta hugtak, einelti, er varla mikið eldra en 15 ára.

Góðar stundir.

[Kalli Sveinss (IP-tala skráð) 17.11.2012 kl. 16:25]

Félagi Bjarni !

 Ja, hvað skyldi " framsóknarleg lífspeki" standa fyrir ??!!

 Varla telst það efni í heilt blogg að köttur eigi sig sjálfur ? !( Spurðu heilaga Jóhönnu !)

 Er fyrrverandi þingmaður orðinn þurrausinn af hugmyndum - eða hvað ?

 Og þó, fer ekki margt að gefa sig með hækkandi aldri ?

 Eða sem Rómverjar sögðu.: " per aetatem" - þ.e. " miðað við aldur" !