Góður Böðvar og skrýtnir dómar

Það er svoldið tvíbent af mér að tala illa um bókadóma. Fékk nefnilega mjög góða dóma fyrir þessi jól, 4-5 stjörnur fyrir Mensalder sem er ansi gott. 

Ein sú bóka sem ekki hlaut góða dóma var aftur á móti Töfrahöllin eftir Böðvar Guðmundsson. Samt er þetta með betri bókum þessara jóla. Vitaskuld mjög epísk og blátt áfram framsetning en um leið ágætis samtímalýsing. Þarna koma saman allir hinir venjulegu þátttakendur lífsins í kringum okkur, lúserinn, gæran, oflátungurinn, svarti sauðurinn, krakkaskíturinn, hóran, dílerinn og bara allir.

Þetta er hressileg bók eftir Böðvar og ég sé mest eftir að hafa ekki lesið hana fyrr. Ef ég hefði lesið hana strax í haust hefði ég getað selt slatta af henni fyrir jólin en svona er líf bóksalans... 

Athugasemdir

[Bjarni Gunnlaugur (IP-tala skráð) 23.3.2013 kl. 17:59]

Maður á ekki að hlusta á þessa helv.. bókadóma. Ég las aðrar frekar en þessa vegna slæmra dóma!

Samt eru "Sögur af Síðunni" eftir Böðvar, með allra bestu bókum sem ég hef lesið!    Beint í æð sveitamannsins sem alinn er upp við skemtilegar sögur af nágrönnunum og með þennan dunandi æðaslátt lífsins til sveita þegar tæknin hélt innreið sína!