Auglýsing um tölvupóst og Ingibjörg sem vill út úr stjórn

Fyrst af öllu, smá tilkynning. Í tengslum við breyttan starfsvettvang hef ég verið að skipta um netfang og nota nú netfangið [e-mail]. Eitthvað sem ég ekki skil fór úrskeiðis í tækninni í liðinni viku, frá mánudegi fram til föstudags, þannig að hluti af þeim pósti sem sendur var á þetta nýja netfang hvarf í glatkistuna og þeir sem sakna þannig viðbragða við sendingum ættu að senda mér póstinn aftur.

En aðeins um pólitíkina. Vanlíðan Samfylkingarinnar í stjórnarsamstarfinu er nú orðin slík að formaðurinn Ingibjörg gerir tilraun til að reita Sjálfstæðismenn til reiði með það í huga að þeir slíti. Öðruvísi verður yfirlýsing Ingibjargar Sólrúnar ekki skilin, nú þegar Sjálfstæðisflokkurinn er að snúa sér í ESB málinu, að minnsta kosti í þá veru að vilja berjast fyrir aðildarkosningum.

Hitt er áhyggjuefni að stjórnarmaður í Heimssýn, sem Illugi Gunnarsson er, skuli svo snögglega snúa sér í máli þessu. Raunar orkar mjög tvímælis að stjórnvöld geti leyft sér að fara í aðildarviðræður nema bera það undir þjóðina áður. Öll skref í átt að aðild ganga gegn stjórnarskrá lýðveldisins sem þingmenn eru eiðsvarnir gagnvart í störfum sínum.

Blogga ekki meira í dag en ráðlegg öllum að fara á síðu Gunnars Waage og lesa þar góða grein um mögulega upptöku á dollar, http://gunnarwaage.blog.is/blog/gunnarwaage/

Athugasemdir

[Óskar Þorkelsson, 13.12.2008 kl. 19:43]

farðu varlega í epost málum Bjarni... 

[Ásgeir Jóhann Bragason, 13.12.2008 kl. 21:08]

það hefur nú alltaf verið erfitt að fylgja þér ,Bjarni Ben og Illugi Gunnarsson, skrifuðu merkilega grein í fréttablaðið í dag enda framtíðar menn af góðum ættum og fjölluðu um ESB ,margt merkilegt þar og gerðu umfjöllun sína nokkuð skiljanlega,um dollara finnst mér fjarstæð hugmynd fyrir okkur þó eyjamenn vaði í dollurum

[Flosi Kristjánsson, 14.12.2008 kl. 09:50]

Sé innganga í Sambandið eða umsókn þar um ekki beinlínis einn af þáttunum í stjórnarsáttmálanum frá 2007 þá er þetta útspil formanns Samfylkingar ótímabært. Þessi afstaða mín tekur ekki tillit til þess hvort ég sjái aðallega kost frekar en löst á inngöngu.

Fyrst á að fara í endurskoðun á stjórnarsáttmála í samvinnu við hinn aðilann í samstarfinu og að því loknu má setja afarkosti.  Áfram Flóamenn!