Um Fréttablaðs-blaðamann sem bannar greinar

Bergsteinn Sigurðsson blaðamaður á Fréttablaðinu fer mikinn í athugasemdadálki hér í morgun og upplýsir þar að það var hann sem á síðasta hausti upplýsti mig um þá stefnu Fréttablaðsins að birta ekki greinar eftir almenning. Í samtali við mig orðaði blaðamaðurinn það þannig að þetta ætti við umgreinar eftir almenning. 

Ég, sem atvinnu-stjórnmálamaður gat og get líklega enn fengið grein birta - en samt eftir mikla bið. En almenningur, Jón Jónsson úti í bæ átti þess einfaldlega ekki kost. Ég hefði ekki þorað að skrifa um þetta í morgun eftir minni af tveggja manna tali en ég á einfaldlega staðfestingu á samtalinu í tölvuskeyti, sem ég birti hér meðfylgjandi í bakskjali sem sjá með því að tvíklikka hér: http://bjarnihardar.blog.is/blog/bjarnihardar/entry/832663

Á sama tíma heldur blaðið út vandlega völdum leigupennum, á launum, sem flestir (en ekki allir) eru þóknanlegir Baugsveldinu, landsölustefnu ESB sinna og helst haldnir almennri aðdáun á hinum kraftmiklu athafnamönnum sem hafa reyndar alveg óvart komið íslenskri þjóð á kaldan klaka.

Allt er þetta vandlega falið með þeirri ritstjórnarstefnu að almennur leikmaður veit ekki betur en að miðopnugreinin í dag eftir Þorvald Gylfason sé bara venjuleg aðsend grein. Við sem þekkjum til vitum að Þorvaldur er valinn pistlahöfundur, líklega með smá greiðslu fyrir þó ég viti það ekki. Og greinin er birt á besta stað í blaðinu.

Fyrir neðan grein Þorvaldar er aftur á móti lítill kassi sem er fyrir almenna greinarhöfunda (ég hef fengið að skrifa þar) en þeir verða að vera úr hópi stjórnmálaelítunnar. Aðrir fá ekki að skrifa í Fréttablaðið eins og Bergsteinn Sigurðsson fréttamaður staðfestir í póstinum hér til hliðar með eftirfarandi setningu;

En að öllu gamni slepptu þá er staðan hjá okkur þannig að við hreinlegum getum ekki boðið fólki að senda inn aðsendar greinar - plássið er hreinlega ekki fyrir hendi.

Ég er enginn sérstakur aðdáandi Morgunblaðsins en það stendur upp á Fréttablaðið að svara því hversvegna Mogginn sem er orðinn talsvert minna blað hefur pláss fyrir aðsendar greinar frá öllum en Fréttablaðið er á hverjum degi með að minnsta kosti fjórar og stundum fleiri pólitískar greinar eftir fastapenna sem ritstjóri velur. 

Ég fullyrði að ekki einu sinni gömlu flokksblöðin eins og ég man þau, Tíminn, Þjóðviljinn og Alþýðublaðið, hafi komist með tærnar þar sem Fréttablaðið er með hælana í sinni ritskoðunarstefnu.

PS: Ég hirði svo ekki um að rekja smámuni eins og þá að ég hafi sem gamall blaðamaður skammað Bergstein Sigurðsson fyrir hlutdrægni í starfi - það hefði ég mátt gera fyrr. En við höfum heyrst í síma eftir það þó Bergsteinn muni það ekki - ekki frekar en hann man hvort greinin góða sem hann neitaði að birta kom 2007 eða 2008.

PPS: Bergsteinn mundi heldur ekkert afhverju hann hefði haft á móti umræddri grein en hér í skeytunum til hliðar kemur fram að hann telur einmitt þær skoðanir að verja Davíð og ÓRG vera klepptækar. En hvað eins og menn muni svoleiðis smámuni sem kannski afgreiða skoðanir út í bæ sem geðveiki dag hvern...

Athugasemdir

[Atli (IP-tala skráð) 19.3.2009 kl. 15:00]

Þetta eru engar upplýsingar. Það hefur enginn maður haldið í alvöru að almenningur væri nóg "politically correct" til að fá að skrifa í Fréttablaðið.

[Elinóra Inga Sigurðardóttir, 19.3.2009 kl. 15:10]

Er ekki bara komin tími á nýtt óháð blað?

[Kolbeinn Óttarsson Proppé (IP-tala skráð) 19.3.2009 kl. 15:18]

Heill og sæll Bjarni. Hér er enn eitt Baugsþýið sem heilsar. Vona að þú látir svo lítið að lesa leiguskrifin.

Af skoðanaskiptum hef ég yfirleitt gaman, en þó ekki þessum. Mér finnst sannast sagna sú skoðun að ástæða þess að aðsendum greinum fækki í Fréttablaðinu sé ritskoðun svo yfirmáta heimskuleg að ég trúi því ekki upp á þig að þú trúir þessu í raun.

Hér á ritstjórninni er verið að segja upp góðu fólki - vinum mínum sem leita nú að nýrri vinnu í því ástandi sem nú er. Það er búið að fækka útgáfudögum blaðsins. Það er búið að skerða starfshlutfall allra niður í 90% - þar með talið mín - og því lækka laun allra um 10%.

Ekki ætla ég að væla yfir því, en ástæða þess að ég bendi á þetta er einfaldlega þessi:

Þetta er gert vegna þess að blaðið er að minnka. Minnka. Plássið sem er í blaðinu er minna en það var áður. Þess vegna er fullt af góðu fólki að missa störf sín.

Að það hafi þau áhrif að þú þurfir að bíða lengur með að fá greinar þínar birtar er slæmt, en ég verð að segja að mér finnst það ekki alvarlegasta afleiðing þess að blaðið minnkar.

Vel má vera að þér finnist svo.

Eflaust munu menn geta afskrifað þessar staðreyndir sem róg úr munni Baugsþýs. Svo verður þá að vera.

Ósannindi, rógur og ávirðingar verða hins vegar ekkert göfugri þótt þótt þær séu undir fána lýðræðisástar.

[Bjarni Harðarson, 19.3.2009 kl. 15:26]

Kolbeinn. Ég les þig vitaskuld enda ertu áliti hjá mér en ég bið þig að lesa líka tölvuskeytin sem hér eru birt frá kollega þínum Bergsteini Sigurðssyni. Ég hef ekki kvartað yfir að fá ekki birtar greinar í Fréttablaðinu því það væri ósanngjarnt. Blaðið hefur birt greinar eftir mig og flokkar mig með elítunni. En það birtir ekki greinar eftir almenning og eyðir margfalt meira plássi í pólitísk greinaskrif launaðra pistlahöfunda heldur en frjáls greinaskrif utan úr bæ - sem umsjónarmaður aðsendra greinar leyfir sér líka að afgreiða sem geðveiki. Um þetta snýst málið. Kær kv. -b.

[Bergsteinn Sigurðsson (IP-tala skráð) 19.3.2009 kl. 15:30]

Ja hérna. Ég hefði varla þorað að hugsa til þess hvernig viðbrögð þín hefðu verið áður en þú pulsaðir þig niður.

 Það eina sem þessi bréfaskipti okkar sýna er að á þeim tiltekna tíma sem þú óskaðir eftir að birtingu á grein fyrir félaga þinn að plássið mjög lítið. Ég skýrði þér frá því. Mér þykir leitt ef svar mitt, sem átti að vera tilraun til glettni, hafi lætt þeim grun að  hjá þér að héldi að vinur þinn væri geðveikur - það var sannarlega ekki ætlunin, heldur var það hugsað sem góðlátlegt grín, eins og ég tek fram í svarinu. Ég ætlaði þér sjálfsagt of stórt að átta þig á því.

Þorvaldur Gylfason er fastur pistlahöfundur hjá Fréttablaðinu, hefur verið það um langt skeið og fær greitt fyrir það. Það er ekkert launungarmál og hefur aldrei verið. 

Leið þér eins og þú hefðir gert einhverja uppgötvun þegar það rann upp fyrir þér að Þorvaldur er fastur pistlahöfundur hjá blaðinu? Eins og þú hefðir einhverja umframþekkingu yfir annað fólk?

Það pláss sem Þorvaldur skrifar í er almennt tekið frá fyrir fasta penna. Ég sé ekkert athugavert við það - það er háttur flestra dagblaða að hafa fasta pistlahöfunda á sínum snærum og ekkert óeðlilegt þótt þeim sé greitt fyrir vinnu sína.

Ég ætla að fara að þínum ráðum; næst þegar ég les svona rugl eftir þig ætla ég að sleppa því að svara þér heldur fara og fá mér pulsu. Tímanum er betur varið þannig.

[Bjarni Harðarson, 19.3.2009 kl. 15:43]

Þetta með geðveikina - ég hefði nú talið að það gæti verið húmor ef ég vissi þig með húmorslausari mönnum - og vitandi að greinin umrædda er enn á bið - það er enn plássleysið og þú staðfestir reyndar í meili að þú ætlaðir aldrei að birta hana því almenningi biðist einfaldlega ekki að birta greinar - heldur bara föstum pennum. Um það snýst þetta Bergsteinn, - þessa algeru ritskoðunarnáttúru Baugsmiðlanna. Það er síðan bara af kjarkleysi að þið þorið ekki að henda alveg öllum greinum atvinnupólitíkusa - en pupullinn, hann má súpa gams...

[Karl (IP-tala skráð) 19.3.2009 kl. 15:44]

Því fyrr sem þjóðin losnar við þessa óværu sem Fréttablaðið er því betra.

Áróðurs- og lygableðill sem troðið er upp á fólkið í landinu og er í eigu manns sem ryksugað hefur fyrirtækin og telur sjálfsagt að almenningur borgi skuldirnar.

Burt með þetta sorp.

[Teitur Atlason (IP-tala skráð) 19.3.2009 kl. 15:49]

Óskaplegur dónu ertu Bjarni að birta þessi bréfaskipti.  það er ekkert í þessum bréfum sem benda til þess að óheiðarlega sé að málum komið. 

Góðlátlegt grín blaðamanns setur þú út á versta veg.

Þú ættir satt best að segja ekki að koma nálægt tölvum í framtíðinni.

[Loftur Altice Þorsteinsson, 19.3.2009 kl. 15:56]

Ekki ætla ég að taka upp handskann fyrir Fréttablaðið, en þeir eiga þó skilinn heiður fyrir að birta eina grein eftir mig á síðasta ári. Þar var ég að skamma ríkistjórn Geirs Haarde fyrir að samþykkja að borga Icesave reikningana. Getur verið að ég hafi verið velkominn á síður Fréttablaðsins þess vegna ?

Ég vil taka undir eftirfarandi gagnrýni Bjarna:

Á sama tíma heldur blaðið út vandlega völdum leigupennum, á launum, sem flestir (en ekki allir) eru þóknanlegir Baugsveldinu, landsölustefnu ESB sinna og helst haldnir almennri aðdáun á hinum kraftmiklu athafnamönnum sem hafa reyndar alveg óvart komið íslenskri þjóð á kaldan klaka.

Samkvæmt upplýsingum frá Kolbeini Óttarssyni Proppé, sem hugsanlega er blaðamaður á Fréttablaðinu, hefur reynst nauðsynlegt að skera niður starfsemi blaðsins og laun Kolbeins um heil 10%. Á sama tíma eru leigupennar blaðsins í fullu starfi, við að dreifa áróðri sem eigendum blaðsins hlýtur að vera þóknanlegur. Myndi blað í kröggum ekki notfæra sér aðsendar greinar í meira mæli og koma þar með til móts við fjölbreyttar skoðanir lesenda ?

Annars er eigenda-þjónkun ekki bundin við Fréttablaðið eitt. Sama verður að segjast um Morgunblaðið einnig, þar sem Jón Baldvin Hannibalsson er meðhöndlaður eins og heilög kú. Sjónvarpsstöðvarnar eru undir sömu sök seldar, því að ESB slagsíðan er hrikaleg á þessum fjölmiðlum. Sossa-hjörðin er búin skipulega að hreiðra um sig á fjölmiðlum landsins til að geta troðið Evrópu-áróðrinum ofan í almenning. Þjóðin á eftir að rísa upp gegn þessu landsölu-liði.

[Stígur Helgason (IP-tala skráð) 19.3.2009 kl. 16:07]

Loftur, "leigupennar" Fréttablaðsins eru ekki í fullu starfi. Þeir fá fasta upphæð greidda fyrir að rita efni í blaðið með reglulegu millibili vegna þess að það er mat þeirra sem blaðinu stýra að það sé spurn eftir skrifum þeirra. Þetta er ekkert flókið. Og þér að segja hefur föstum pennum í blaðinu verið fækkað eftir að harðna tók á dalnum. Meðal þeirra sem enn skrifa í blaðið eru til dæmis Hannes Hólmsteinn Gissurarson og Sverrir Jakobsson. Það voru þá landsölumennirnir.

[klj (IP-tala skráð) 19.3.2009 kl. 16:22]

Finnst þér þú í alvöru koma vel út með þessari birtingu?

Hvað finnst þér að því sem blaðamaður segir?

Ég er ekki að sjá það en það eina sem ég veit er að þú átt að láta loka fyrir póstfangið þitt. Tækniöldin er ekki alveg að gera sig fyrir þig. 

[Loftur Altice Þorsteinsson, 19.3.2009 kl. 16:49]

Þú er mjög langt úti á þekju Stígur (blaðamaður á Fréttablaðinu ?).

Landsölu-liðið eru þeir sem koma vilja landinu in í skúmaskot Evrópusambandsins, hvað sem það kostar. Má ég benda á, að ég var ekki bara að tala um Fréttablaðið, þótt það sé hugsanlega vinnustaður þinn.

Ég hef ekki haldið því fram að leigu-pennarnir séu á föstum launum, enda þekki ég ekkert til launamála á Fréttablaðinu. Eftirspurnin eftir skrifum leigu-pennanna er hins vegar eingöngu frá eigendum blaðsins og fer líklega vaksandi.

[Gunnþór Jens (IP-tala skráð) 19.3.2009 kl. 16:57]

Who the fuck is Loftur Alice?

[Einar Þór Strand, 19.3.2009 kl. 17:10]

Tja maður sér að blaðamennirnir taka þessu illa enda telja þeir sig hafa einkarétt á að greina mál og hafa skoðun.

En ég fékk hugdettu áðan hvort ekki veæri rétt að kjósa menn til sarfa á ritstjórnum fjölmðlana til dæmis um leið og kosið er til sveitarstjórna.  Rökstuðningur minn fyrir þessu er að fjölmiðlar eru það áhrifamiklir í að mynda skoðanir fólks að lýðræðinu stafar hætta af ef ekki er farið lýðræsilega að við að velja þá.

[klj (IP-tala skráð) 19.3.2009 kl. 18:45]

Einar. Við höfum ríkissjónvarpið/útvarp og það væri vænlegast þótt ekki væri nema af virðingu við okkur almenning að byrja tiltekt þar.

Við borgum jú lítinn nefskatt fyrir Pál litla sem bannar svo ljósmyndara á plani þar sem hann er gerður augljós og það af jólasveininum sjálfum. 1-0 fyrir tómatsósumanninum.  

[Einar Þór Strand, 19.3.2009 kl. 19:01]

Auðvitað á að byrja þar en hef bara grun um að elítan vilji ekki að almenningur komis of mikið að.

[klj (IP-tala skráð) 19.3.2009 kl. 19:12]

Almenningur heldur uppi aðgangi að upplýsingaveitu sem er Rúv.

Elítan ætti ekki að eiga roð í þann miðil ef peningum okkar almennings væri rétt varið þar. Það er með ólíkindum hvernig þetta útbrunna batterí hefur verið rekið.

[Guðmundur Gunnarsson (IP-tala skráð) 19.3.2009 kl. 21:10]

Kolbeinn Óttarsson Proppé.

 Ég er einn þeirra sem þykir Fréttablaðið og Baugsmiðlarnir vera öllum til háborinnar skammar sem að því koma, og ekki síst þessi fáránlegu tilburðir ykkar að reyna að villa um fyrir almenningi hver tilgangur ykkar og miðlana er.

 Það er athyglisvert að sjá þig afsaka "plássleysið" í sneplinum vegna samdráttar, færri blaðsíðna, uppsagna og gott ef ekki líka Davíð að kenna.

 Hvernig er málum annars háttað á Morgunblaðinu sem birtir greinar eftir alla, eins og Bjarni segir?

 Hafa þeir ekki verið að ganga í gegnum sömu vandamálin, og ef ekki verri?

 Er munurinn að því að þeir kenna ekki Davíð um allt sem miður fer?

[Friðrik Björgvinsson, 19.3.2009 kl. 22:54]

Þetta kemur mér ekkert á óvart, en ég þekki til þarna innandyra og ætla mér að koma einni ef ekki tveimur greinum að í næstu viku og vikuni þar á eftir svo verðum við bara að treysta á almættið eftir það.

Ég er svo andlaus yfir allri spillingu sem er að koma í ljós síðustu dögum að maður verður bara að leyfa sér að meðtaka það áður en maður fer að skrifa um það.

Lífeyrissjóðir, sparisjóðir, brask með krónur og ég gæti haldið lengi áfram...

Þetta verða þau atriði sem ég hafði hugsað mér að skrifa um, þó mest um Lífeyrissjóðina og braskið með krónuna og margt fleira er hægt að skrifa um.

[marco (IP-tala skráð) 19.3.2009 kl. 23:41]

Nafngiftirnar landsölumaður og landsala valda mér heilabrotum.

Hvað er búið að selja landið oft?  Nató keypti það á sínum tíma, þá EFTA og síðar EES.

Nær er að tala um fullveldisframsal.  Þó er það villandi og erfitt að skilgreina fullveldi á þennan hátt nema að telja að þjóðin eigi að vera fullkomlega óháð öðrum þjóðum um allt.

Valdaafsal er rétta orðið.  Þ.e.a.s framsal á hluta valdsins.  Verði þetta til að minnka völd íslenskrar stjórnmálastéttar og viðskiptamanna þá sé bættur skaðinn.

Virkjanir og álver eru mikið nær því að geta fallið undir landsölu.  Í því máli spilaði Bjarni Harðar í liðinu sínu kæra og væri enn tæklari í því liði með Krónprinsinum af Kögun ef að hann kynni á tölvur.

[Guðmundur Jónas Kristjánsson, 20.3.2009 kl. 00:51]

Marco. Meiriháttar HUGLAUS sál sem ÞORIR EKKI að koma fram undir nafni og standa fyrir viðhorfum sínum og fullyrðingum sem slíkur. Já meiriháttar HUGLEYSINGI marco!!! Á mínu bloggi eru slíkum hugleysingjum bara hent út! Að sjálfsögðu!

[Guðrún María Óskarsdóttir., 20.3.2009 kl. 01:01]

Sæll Bjarni.

Fréttablaðið er fyrir löngu orðið að auglýsingabæklingi með Evrópuáróðri nær eingöngu, þar sem ég vil leyfa mér að fullyrða að pólítiskt mat er lagt á innsendar greinar til blaðsins og því ekki sama hvað er verið að gagnrýna.

kv.Guðrún María.

[Kristín Magdalena Ágústsdóttir, 20.3.2009 kl. 08:15]

Það væri líka í lagi ef fréttablaðið hefi eitthvað áhugavert að segja, eins mogginn. Mér finnst ég fá flestar frétti hér á vefnum og hér er fólk hreint og beint og er að reyna segja fréttirnar frá fyrstu hendi.

Eins vil ég gagnrýna "rannsóknar" blaðamenn fyrir að standa sig ekki og þegar þeir standa sig, eru þeir reknir (eða gert að segja upp)!

Mér finnst vanta heiðarlegt óháða fréttamenn á fjölmiðla (þá alla). Sá eini sem kemst nálægt því að koma málum upp á borðið sem annars heyrðist ekki, er hann Egill Helgason með Silfur þættina sína.

Hér á blogginu er fólk að segja hluti sem aldrei komast á pappír og mér finnst vert að ritstjórar allra pappíra hjér á landi, taki þessa gagnrýni til sín og reyni að gera eitthvað í hlutunum til að laga þá. Ef það er rétt að þeir séu bundnir af eigendum síns blaðs, verða þeir að viðurkenna það (sjá dæmi Jóns sem kom í kastljósinu í vetur með upptöku á samtali á milli sín og ritstjóra síns). 

Ég held að það séu fleiri "leppar" ríkra manna en bara frétta menn og á það eftir að koma í ljós þegar farið verður að rannsaka þingmenn líka. 

Þetta er mjög áhugaverð umræða hér og mér sýnist Bjarni hafa komið við viðkvæma"bletti" hjá ritstóra Fréttablaðsins og finnst mér það í lagi.

Þetta er umræða sem þarf að vera uppi á pallborðinu. En endilega segið rétt og satt frá, það er erfitt að átta sig á því hvor hefur réttar fyrir sér.

[Ólafur (IP-tala skráð) 20.3.2009 kl. 09:40]

Guðrún María,

Þessi málflutningur þinn er í senn mjög móðursýkislegur og kjánalegur (ekki það að málflutningur flestra hérna sé það ekki).

Í fyrsta lagi þá þarf ég ekki að fara lengra aftur en viku til að finna dæmi um grein í fréttablaðinu sem er skrifuð eftir mann sem er í stöðu hjá háskólanum sem er kostuð af LÍÚ. Þetta var bara eitt dæmi sem ég mundi eftir og það var meira að segja vísað í þessa grein á forsíðu.

Í öðru lagi þá lest þú blaðið ekkert rosalega vel ef allt sem í því stendur er evrópuáróður. Ég skora á þig að telja saman allt efni sem hefur birst í fréttablaðinu undanfarinn mánuð og reikna prósentu þess efnis sem beinlínis hvetur til aðildarumsóknar - þetta er ekki hátt hlutfall heildarefnis.

Í þriðja lagi þá er ekkert skrítið að stórt hlutfall innsendra greina fjalli um Evrópusambandið og að mikill meirihluti loki ekki á að fara í aðildarviðræður að minnsta kosti, það endurspeglar bara þjóðarvilja.

[Bjarni Harðarson, 20.3.2009 kl. 13:10]

Ekki veit ég hver Ólafur er meðan ekki fylgir föðurnafn en sá sem hér kemur fram undir því nafni hefur að minnsta kosti ekki lesið skoðanakannanir Fréttablaðsins sem staðfesta að meirihluti þjóðarinnar er á móti aðildarviðræðum, tvær siðustu kannanir blaðsins staðfesta þetta!

[marco (IP-tala skráð) 20.3.2009 kl. 22:50]

Guðmundur Jónas.  Það er eflaust betra að vera meiriháttar huglaus sál en bara huglaus sál. 

Ég tek ofan fyrir þér að setja þinn málflutning fram undir nafni og meira tek ég ofan fyrir þér að birta mynd af þér á veraldarvefnum. 

Hefurðu virkilega ekkert annað að segja en þetta?  Ertu bara að þessu til að menn fái að njóta fegurðar þinnar?