L-listinn étinn!

Í dag er mjög langur dagur og helgin öll afar löng. Í dag er búðin lokuð og allt slektið ætlar að hittast hjá Kakó-Kristínu í Sundunum.

En helgi þessi hófst hér á Sólbakkanum með 50 manna teiti þar sem fullveldissinnar komu saman og einhverjum varð að orði þegar inn kom, hvern er verið að ferma. Veitingar voru nefnilega fermingarveislulegar, einkanlega vegna þess að ég notaði tækifærið til að fá útrás fyrir það blæti mitt að búa til brauðtertur sem er mér einstök skemmtan.

Að þessu sinni voru terturnar sem L í laginu og önnur þeirra fullkomnlega í fánalitunum. Það var reyndar þrautinni þyngri að gera fánabláa smurningu ofan á kökuna en tókst.

Og vitaskuld var þetta ferming því við fullveldissinnar gengum hér í gegnum mikla manndómsvígslu að glíma hinni fyrstu snerru við fjórflokkinn og gengum uppréttir af vellinum. Ekki kannski sem sigurvegarar en engu að síður hafandi hreyft við pólitíkinni einmitt í þá átt sem við óskuðum. Og þegar við bættist að brauðterturnar átust upp þá gátu allir verið harla glaðir. 

Nú munu auðvitað margar mannvitsbrekkurnar setja hér komment um að hreyfing okkar sé dauð en það er misskilningur. Meðan til verða bæði úrtölumenn og þeir sem telja þjóðríkið úrelt þá lifir hreyfing fullveldissinna og tekur á sig þær myndir og form sem þarf til að halda merkinu á lofti!

Getur meira að segja birst í formi brauðtertu!

Athugasemdir

[(IP-tala skráð) 10.4.2009 kl. 11:46]

Ég sé að ég hef misst af miklu, glæsilegt alveg hreint.

En ég er í vondum málum því nú get ég ekki kosið, verð að skila auðu. En kannski ég teikni bara mynd af brauðtertu í fánalitunum á kjörseðilin

[Kakó- Kristín Welding (IP-tala skráð) 10.4.2009 kl. 11:54]

þetta er glæsileg brauðterta, jafnvel glæsilegri en brennandi Bergþórshvoll sem þú gerðir fyrir fermingu frænda þíns í Sundunum um árið...;-)

Sjáumst í dag.

[Árni Gunnarsson, 10.4.2009 kl. 12:01]

Kakó- Krístín! Er hún eitthvað svona ámóta og Kristín doktor í Íslandsklukkunni? Ekki veitti nú af krús af öli eftir allt vesenið.

[Bogi Jónsson, 10.4.2009 kl. 12:55]

Bjarni og aðrir L arar væri ekki ráð að slást í hópinn með P urum og koma þar hugsjónum ykkar á framfæri.

enn vantar nokkur frambjóðendaefni svo P arar megi vera með á fullum krafti. Þeir sem hafa ekki gefist upp á að breyta þjóðfélaginu geta skráð sig á XP.is  

ef ég fer rétt með þá rennur tíminn út í dag að skrásig, eins og ein góð kona sagði um árið: það eina sem þarf að gera er að "gera það"

[Kolla (IP-tala skráð) 10.4.2009 kl. 14:25]

Og hvað á svo að kjósa Bjarni?

[Hildur Helga Sigurðardóttir, 10.4.2009 kl. 15:01]

Verst að ég fermdi í fyrra Bjarni, annars hefði ég gengið á eftir þér með grasið í skónum, sem kökuskreytingarmanni    Jafnvel bara skipt um skoðun í kjörklefanum...

[Guðbjörg Elín Heiðarsdóttir, 10.4.2009 kl. 15:08]

Góðan daginn.  Bjarni þú ert ekki bara L-lista maður, heldur líka lista-kokkur.  Bogi við gáfumst ekki upp, heldur er hálf-leikur hjá L-listanum- lista fullveldissinna. Ég segi nei takk fyrir mig, varðandi það að ganga til liðs með XP.is  L-listinn er kominn til að vera, ég tel að við séum rétt að byrja. Góðir hlutir gerast hægt !   

[Sigurjón, 10.4.2009 kl. 15:26]

Ákaflega flott brauðterta hjá þér Bjarni!  Mig undrar ekki að Eva sé flink í höndunum...

[Bogi Jónsson, 10.4.2009 kl. 17:45]

Það er rétt hjá þér Guðbjörg Góðir hlutir gerast hægt.

En bestu hlutirnir eiga það til að gerast svo hægt að þeir gerast ekki :-(

[Glúmur (IP-tala skráð) 10.4.2009 kl. 22:31]

Þið munuð lifa - þjóðríkið stefnir greinilega í að eiga engan rétt á sér lengur, þ.e.,  ef kjósendur sína enn einu sinni vafhæfni sína og kjósa Hrunflokkinn af barnatrú.

[Baldur Már Róbertsson, 11.4.2009 kl. 00:04]

Hver er á móti inngöngu í esb ?? VG segist vera á móti en þeir munu lúffa fyrir Jógu í kvennalistanum, framsókn vill inn, frjálslyndir komast ekki á þing og hvað er þá eftir Bjarni minn?? Jú það er einn eftir Sjálfstæðisflokkurinn, hann er með afgerandi stefnu á móti esb, ég keyri þig á kjörstað á X-1. Bjarni Íhald

[Hrönn Sigurðardóttir, 11.4.2009 kl. 00:21]

Hvað notaðirðu í bláa litinn? Frábærlega skreytt hjá þér!

[Ísleifur Gíslason, 11.4.2009 kl. 01:05]

Terturnar voru góðar og súpan ekki síðri.
Fólkið í góðu skapi og börnin skemmtu sér vel.

Fullveldi fyrir börnin og framtíð þjóðarinnar !

[Bjarni Harðarson, 11.4.2009 kl. 09:03]

Hvað ég notaði í bláa litinn Hrönn! Þó svo að engin verslun hér á Selfossi ætti bláan matarlit leyndist smá glas í búrskáp móður minnar í Hveragerði, keyptur í Bjarnabúð í Reykholti fyrir margt löngu. Þegar ég blandaði honum við majones kom út blágrænn -enda mikið gult í majonesi -og ég reyndi að hræra þar saman við bláberjasaft en fékk bara út fjólublátt. Leynivopnið var svo bláberjaskyr frá MS úthrært með vænum skammti,mjög vænum raunar af bláa matarlitnum...

[Rúnar Sveinbjörnsson, 11.4.2009 kl. 11:03]

Þó svo að L listinn hafa ákveðið að bjóða ekki fram, þá er verkefnið enn á sínum stað. Sem ákafur andstæðingur Evrópusambandsins vona að ég að þið notið ykkur þá reynslu og það tengslanet sem þið hafið komið upp í áframhaldandi baráttu, því hún er rétt að byrja. 

Baráttukveðjur!! 

[Kristbjörg Steinunn Gísladóttir, 11.4.2009 kl. 13:57]

Þetta var roslega flottur mannfagnaður á Sólbakka og eins og einhver sagði bara í hálfleik. Ummmm hvernig verður það ..........

Takk fyrir mig flottu gestgjafar á Sólbakka.  

[Guðmundur Jónas Kristjánsson, 11.4.2009 kl. 15:33]

Kom ekki í fullveldisteitið. En sendi þér og þínum Bjarni og öllum fullveldissinnum gleðilegra páska.  Barátta okkar fullveldissinna er rétt að byrja ! Sjáumst!