Rasismi eða asnaskapur

Ég veit ekki hvort heldur á að skýra þessa morgunfrétt mbl.is með vísan í rasisma eða bara almennan kjánagang. Það er fátítt að tilgreint sé með þessum hætti hvers lenskar fyllibyttur bæjarins eru - stundum tekið fram í fréttum að um erlenda ferðamenn eða menn af erlendu bergi brotna en þetta er með því klaufalegra og það liggur milli línanna að það sé sérstök frétt að þetta hafi verið grænlendingur:

 Lögreglan á höfuðborgarsvæðinu þurfti að hafa afskipti af grænlenskum karlmanni...

Gekk berserksgang

Athugasemdir

[Pétur (IP-tala skráð) 6.8.2009 kl. 09:08]

Rasismi?

"Lögreglan á höfuðborgarsvæðinu þurfti að hafa afskipti af sænskum karlmanni..." - Væri það rasismi?

En "Belgískum karlmanni..." eða "Frönskum karlmanni..."?

[Gudmundur Þorsteinsson (IP-tala skráð) 6.8.2009 kl. 09:10]

Hér er ég svo hjartanlega sammála þér, og tel ég ekki nauðsynlegt að orðlengja hvers vegna.

[Guðmundur Þorsteinsson (IP-tala skráð) 6.8.2009 kl. 09:14]

Sæll Bjarni. Að sjálfsögðu ætlaði ég að segja að ég væri hjartanlega sammála þér hér í þessu máli, og tel enn ekki nauðsynlegt að útskýra af hverju. Segir sig sjálft 

[Elle_, 6.8.2009 kl. 09:19]

Það var akkúrat það fyrsta sem mér datt í hug þegar ég las fréttina: Og þurfti nú endilega að koma fram að hann var grænlenskur?  Óþarfi með öllu.

[Óskar Þorkelsson, 6.8.2009 kl. 09:30]

ef fréttinn hefði verið svona : Lögreglan þurfti að hafa afskipti af erlendum karlamanni í nótt vegna skemmdarverka".. hefðuð þið þá ekki hugsað.. enn einn pólverjinn á fylleríi ? ;)

 við erum farin að lifa í fjölmenningarlegu þjóðfélagi og þá breytist fréttaflutninguinn á þessa vegu..

[Margrét (IP-tala skráð) 6.8.2009 kl. 09:42]

Er þetta ekki bara upplýsandi frétt hjá mbl? Felst þá ekki líka ákveðin karlfyrirlitning í þessu að taka fram að þarna var auðvitað "karlmaður" á ferð. Er það ekki með öllu óþarfi. Að sama skapi er það ekki óþarfi að taka það fram að hann hafi verið við Háteigsveg í Reykjavík. Er verið að gefa í skyn að þetta sé eitthvað skuggahverfi. Mun ekki fasteignaverð lækka við svona fréttir. Þá má varla orðið minnast á þjóðerni lengur öðruvísi en menn verða þá sjálfkrafa stimplaðir sem einhverjir kynþáttahatarar eða uppfullir að þjóðarrembingi. Bjarni þetta er ekki frétt hjá þér þrátt fyrir fyrirsögn í stríðsyfirlýsingarstíl.

[Sigurður Þorsteinsson, 6.8.2009 kl. 09:43]

Bjarni tek heilshugar undir þetta blogg þitt.

[Óskar Þorkelsson, 6.8.2009 kl. 09:57]

Margrét orðar þetta mjög vel.

[Anna Guðný , 6.8.2009 kl. 10:22]

Ég sé að ég hef ekki nógu mikið hugmyndaflug. Ég hugsaði nú bara: Grey kallinn.

 Ég þekki aðeins til drykkjusiða grænlendinga og þar sem ég þekki fer brennivínið illa í þá, svona almennt. En það er um marga aðra.  Ef ég hugsa svo aðeins lengra þá hefði ég ekki hugsað svona ef tekið hefði verið fram að maðurinn væri frá einhverju öðru landi, sama hvert landi væri.

Skrýtið, kannski líði ég grænlendingum meira en öðrum þjóðum.

[- grettir (IP-tala skráð) 6.8.2009 kl. 10:30]

Þetta eru mjög gagnlegar upplýsingar fyrir mig til dæmis.

Nú veit ég að ég þarf að hafa með mér túlk þegar ég fer og rukka berserkinn fyrir skemmdirnar á mínum bíl.

Ég hugsaði ekki "grey kallinn" þegar ég kom að honum í morgun. Það væri gaman að vita hvaða hugsanir hefði kallast fram í hausnum á henni Önnu hérna hefði þetta verið hennar bíll.

Nú verð ég bíllaus í nokkra daga með tilheyrandi óþægindum og aukakostnaði.

[Hrönn Sigurðardóttir, 6.8.2009 kl. 10:38]

Já... ég sé það á öllu að bezt hefði verið að sleppa alfarið þessum fréttaflutningi!

[Óskar Þorkelsson, 6.8.2009 kl. 10:39]

lol, Hrönn :D

[Elva Mjöll Þórsdóttir (IP-tala skráð) 6.8.2009 kl. 10:44]

Það er ekki hægt að kalla þetta "rasisma" þar sem það er ekki verið að skilgreina kynþátt (race) mannsins. Kynþáttur og þjóðerni er að sjálfsögðu ekki það sama!

Alveg eins og Íslendingur sem talað er um í frétt, hérlendis eða erlendis, þarf ekki endilega að vera hvítur (White/Caucasian).

Hins vegar má deila um það hvort þörf sé á því að tilgreina þjóðerni afbrotamanna! Og mætti þess vegna kalla þetta þjóðernisfordóma eða atriði sem getur með tímanum ýtt undir fordóma gagnvart ákveðnum þjóðernum (sbr. Pólverjaumræðuna að ofan).

Þú gætir hins vegar notað orðið rasismi ef sagt hefði verið "grænlenskur karlmaður, asískur/indverskur/svartur o.s.frv. að uppruna....."

[Elle_, 6.8.2009 kl. 11:16]

Það var óþarfi að segja að maðurinn væri grænlenskur.    Svona fréttaflutningur, þar sem tiltekið er þjóðerni fólks, og gerist alltof oft gegn Litháum og Pólverjum í ísl. fjölmiðlum,  ýtir ótvírætt undir fordóma og kannski hatur gegn fólki frá þeim löndum.  

[Jón Kristófer Arnarson, 6.8.2009 kl. 13:11]

Algerlega Sammála þér Bjarni. 

Við getum pælt í hvernig aðrar fréttir gætu hljómað.

Drukkinn karlmaður úr Flóanum gengur berserksgang á Akureyri.

Eða.

Maður úr Reykjaættinni var handtekinn við innbrot í Þingholtunum.

Eða:

Flokksbundin Samflykingarmaður kærður fyrir nauðgun.

[Anna Guðný , 6.8.2009 kl. 13:42]

Grettir: Þú flýttri þér aðeins of mikið þarna.

Ef þú hefðir lesið í rólegheitum þá hefði þú séð að við vorum að tala um þjóðerni mannsins og hvort ætti að tilgreina það í fréttum.

Vinsamlegast ekki leggja mér orð í munn/skrif

[runar (IP-tala skráð) 6.8.2009 kl. 14:07]

Er ekki Bjarni aðeins að gera grín að rétthugsunar siðapostulum Íslands á 21. öldinni. Ljótt er það ef fréttirnar þurfa að vera svo dulkóðaðar að ekki sé möguleiki á því að skilja innihald hennar.

prófum að flytja þessa frétt svo enginn móðgist eða andvarpi.

Homo sapiens, talinn hafa drukkið óþekktan vökva, breytti skapi, það sýndi veran með því að brjóta gegnsætt efni í málmtækjum sem hjálpa til með ferðalög. Kennitölur, af sömu tegund og upphafsdýr þessarar greinar, höfðu afskipti og sögðu ..svona gera menn ekki...

Óttalegir bjánar eru þið ...

[Hrönn Sigurðardóttir, 6.8.2009 kl. 14:51]

Bara svona af því að það er verið að tala um bjána...... Betra hefði verið að segja að hann skipti skapi....

[- grettir (IP-tala skráð) 6.8.2009 kl. 14:54]

Anna

Ég veit að rætt var um þjóðerni mannsins, enda nefndi ég að það kæmi mér vel þegar velja skyldi túlk. Og þess vegna styð ég að fréttamaðurinn skyldi vera svo elskulegur að taka það fram.

Ég veit ekki hvar ég lagði þér orð í munn. Þú tókst upp hanskann fyrir skemmdarvarginn vegna þess hve áfengi fer illa í landa hans og ég velti því einfaldlega fyrir mér hvort þú hefðir gert það sama hefði hann skemmt þinn bíl.

[marco (IP-tala skráð) 6.8.2009 kl. 18:23]

Er það þá ekki púra rasismi að heimta það að sjávarauðlindin sé í höndum Íslendinga nú eða að landbúnaðarvörur þurfi að vera íslenskar?

[runar (IP-tala skráð) 6.8.2009 kl. 20:10]

Rétt, Hrönn. Skipti, á betur við í þessu samhengi. Ekki það að sagnorðin,  breyta og skipta, séu ótengdir eða ólíkir hlutir.

Þakka samt fyrir ábendinguna, pistillinn heldur samt bæði innihaldi sínu og  hæðni

Grænlendingar eru flottir að mínu mati !!

[Alexander Kristófer Gústafsson, 6.8.2009 kl. 22:11]

Nei þetta var ekki "rasismi"