Það sem fyndið á að vera...

Það er óneitanlega fyndið að fylgjast með málflutningi Sjálfstæðismanna, hvort heldur er í landsmálum eða hreppsmálum. Þegar ég orða það að sveitarfélagið okkar sé í traustum höndum vinstri meirihlutans sem hér ræður rjúka bloggarar til og hrópa að hér sé allt á vonarvöl skulda og óreiðu.

Vissulega skulda sveitarfélög mikið en ef borin er saman staða tveggja sveitarfélaga sem eru sambærileg, Árborgar og Reykjanesbæjar, birtist okkur lítið af fjármálasnilld Sjálfstæðismanna sem fara þó einir með völd í síðarnefnda bænum. Þar var tap á hvern íbúa nærri 600 þúsund meðan sambærileg tala var þó innan við 200 þúsund í Árborg. Þó eru tekjur á hvern íbúa í Árborg umtalsvert lægri en í Reykjanesbæ.

Svipað er farið höfundi Reykjavíkurbréfs Morgunblaðsins sem býsnast yfir því í dag að það sé vond leiðsögn sem þjóðin fær nú á þrengingartímum. Það má víst margt að henni finna en hvert leiddi Sjálfstæðisflokkurinn þjóðina síðast þegar hann var í forystu...

Athugasemdir

[Björn Birgisson, 28.3.2010 kl. 14:29]

Sjálfstæðismenn hafa alltaf sagt okkur landsmönnum að þeir hafi meira vit á peningum en aðrir í þessu landi. Varla förum við að rengja þá fullyrðingu?

[Kalli Sveinss (IP-tala skráð) 28.3.2010 kl. 14:41]

Félagi Bjarni !

 Heyrðirðu lokaorð viðskiptaráðherra fyrstu 100% vinstri stjórnar landsins, í "Silfur Egils" í dag ??

 Kannski heyrðirðu, en villt gleyma sem fyrst ?? !!

 Jú hann sagði orðrétt.: " Ísland var mesta velferðarþjóðfélag heimsins - og getur orðið það áfram, ef rétt er á málum haldið" .!

 Hverjir stóðu í stafni og stýrðu þjóðar-knerrinum síðustu 18 árin  ??

 Rétt, Sjálfstæðisflokkurinn !

 Hinsvegar var heimskreppan í lokin  eingöngu sök eins náunga á Íslandi !!!

 " Davíðs-heilkennið" skelfilegur, ólæknandi sjúkdómur !

 Kjarni málsins orð Gylfa.: " Ísland var mesta velferðarþjóðfélag heimsins".

 Hjá einstaklingum sem þjóðum , skiptast hinsvegar á skin og skúrir, eða sem Rómverjar sögðu.: " Non semper erit aestas". - þ.e. " Það eru ekki alltaf jól" !!

[Jóhannes Laxdal Baldvinsson, 28.3.2010 kl. 16:32]

<<<<Ísland var mesta velferðarþjóðfélag heimsins>>>>

Var enginn búinn að segja þér að velferðin var fengin að láni Kalli?

[Ásdís Sigurðardóttir, 28.3.2010 kl. 16:57]

Held þú sért ekki alveg með réttar tölur félagi Bjarni.

[Guðmundur Baldursson (IP-tala skráð) 28.3.2010 kl. 17:07]

það er ekkert grín sú fjármálastjórn sem hér hefur verið á þessu kjörtímabili. miklar hækkanir á flestum hlutum eins og sorphirðugjöld sem hækkuðu úr 15, í 28 þúsund ásamt fasteignagjöldum og leikskólagjöldum ásamt skertri þjónustu á mörgum sviðum. En á sama tíma og veiturnar voru seldar og PM bréfin keypt var tekið 400.miljónkróna lán þrátt fyrir að vera með 730 miljónir í höndunum  ekki lítil upphæð það

Upplýsingar frá Lánasjóði Sveitarfélaga fyrir skömmu

Sveitarfélagið Árborg 7810 íbúar       4.068.699.246 skuldir

Rykjanesbær            14.081 íbúi       2.523.077.324 skuldir

Og eru ekki skuldir pr íbúa hér um og yfir miljón

Það verður ekki annað sagt en VG ásamt hinum í meirihlutanum hafa fengið tækifæri og tíma til að vinna verkin

Síðan bendi ég á fundargerð  bæjaráðs frá 113 fundi og fundargerð bæjarstjórnar frá 46 fundi. Ég hef notað fundargerðir mikið þegar ég er að skoða bæjarmálin og vísa oft í þær og oft er það hin fróðlegasta lesning þó sumir pólitíkusar muni lítið af því sem þeir hafa verið að leggja fram og kannist ekkert við sum mál 

[Eyjólfur G Svavarsson, 28.3.2010 kl. 18:08]

Bjarni minn passaðu þig nú á tölvupóstinum