Áskrift að blaði sem á það skilið

Það er heldur fátt við að vera í veikindum en þá kem ég því loks í verk að kaupa áskrift að DV.

Ég hef á liðnum árum ekki verið nein loftunga þess blaðs - en undanfarið ár eða svo hef ég oftar en einu sinni staðið mig að því að vilja taka hatt minn ofan fyrir þessu blaði. (Þá er vont að eiga ekki hatt.)

Þetta á við í dag og marga aðra daga þó auðvitað beri þar líka á stundum á miður vönduðum fréttaskrifum. 

Sá svipur mannorðsmeiðinga sem einkenndi blaðið fyrir nokkrum árum er aftur á móti mikið minna áberandi og DV sýnir okkur nú góða takta í baráttunni sem er við spillingu, sérgæsku og vitleysu. Þar þurfa margir að koma að.

Athugasemdir

[Númi (IP-tala skráð) 6.1.2011 kl. 20:21]

Ég sagði upp áskrift að Morgunblaðinu,dagin eftir að Davíð tók við,eftir rúml, 30 ára áskrift,og gerðist áskrifandi að DV í staðin.Undanfarið finnst mér DV vera að breytast í einhverskonar unglingablað,sífelldar fréttir á fleirri en einni blaðsíðum af snobb og montliði landsins og einhverjum Hollýwood fríkum.En  DV líkt og Útvarp Saga eru nauðsynleg þessi misserin.

[Valgeir Matthías Pálsson (IP-tala skráð) 6.1.2011 kl. 22:48]

Sæll Bjarni minn.

Mér finnst DV nú hálf gerður snepill. En það er sjálfsagt nauðsynlegt að eiga svona blað hér á landi í dag. Þetta er  mest einhvert kjaftæði í þessu blaði. En það er kannski mest lesið.

Dv leggur almenning og venjulegt fólk í einelti og gerir miklu meira úr orðum þess en það sagði eða segir. Það er þekkt með þetta blað.

Gangi þér vel Bjarni minn.

[Hrönn Sigurðardóttir, 7.1.2011 kl. 19:14]

Ég hef enga þörf fyrir að lesa DV og sleppi því alfarið. Sé ekki mikinn mun á DO og Reyni Trausta.

[Gústaf Níelsson, 8.1.2011 kl. 01:17]

Sagt er að svangur maður leggi sér ýmislegt misjafnt til munns, en er þetta ekki of langt gegnið í hungrinu Bjarni?

Kær kveðja og megi þér batna.

[Guðmundur Brynjólfsson (IP-tala skráð) 10.1.2011 kl. 11:54]

Þú getur þá fræðst um Jón stóra og minna má nú gagn gera!

[Glúmur (IP-tala skráð) 10.1.2011 kl. 12:35]

Þér er ekkert að batna, Bjarni?

[Bjarni Harðarson, 13.1.2011 kl. 21:47]

Gaman að þessu. Staðreyndin er að DV hefur átt spretti undanfarið í þá veru að fletta ofan af allskonar skúrkum. En vitaskuld ekki gallalaust blað, onei.