Fundur í Þorláksbúð

Þorláksbúðarfélagið í Skálholti efnir til samveru og bænastundar í Þorláksbúð í Skálholti undir vinnutjaldi yfir Þorláksbúðarhleðslunni, þriðjudaginn 15. nóvember kl. 17:30 að ósk bænda í Biskupstungum. Á samkomunni verður bænastund, ávörp og söngur í höndum eftirfarandi:

Sr. Egill Hallgrímsson, Skálholtsprestur, sr. Hjálmar Jónsson, dómprófastur, sr. Kristinn Ólasson, fyrrverandi Skálholtsrektor, sr. Þórhallur Heimisson og sr. Kristján Björnsson, en allir prestarnir hafa tengsl við Skálholt á sinn hátt.

Þá flytja ávörp, Guðni Ágústsson, fyrrverandi alþingismaður og landbúnaðarráðherra, Bjarni Harðarson bóksali, upplýsingafulltrúi hjá sjávarútvegs- og landbúnaðarráðuneytinu og fyrrverandi alþingismaður,  Gunnar Bjarnason, hönnuður og smiður Þorláksbúðar og Árni Johnsen alþingismaður og formaður Þorláksbúðarfélagsins. Söngvarar úr Skálholtskór syngja „Dag í senn" eftir Sigurbjörn Einarsson, biskup og samkomugestir syngja kunnan sálm.

Allir eru velkomnir á samverustund í Þorláksbúð.

Athugasemdir

[FORNLEIFUR, 15.11.2011 kl. 13:55]

Kannski væri einnig vit í því að kyrja Þjóðminjalög, því rúst yngstu Þorláksbúðar var og er friðuð. Brotin voru lög, þá er leyfi var gefið til að byggja hugmynd Gunnars Bjarnasonar ofan á fornminjunum.

 Fornleifarannsókn árið 2009 leiddi í ljós að eldri byggingarskeið voru undir rústinni sem friðuð var árið 1927.

Hér má finna Þjóðminjalög: http://www.althingi.is/lagas/131b/2001107.html

Endurbygging Þorláksbúðar er allra góðra gjalda verð, en ekki á þeim stað sem henni er ætlaður staður nú.

Sjá einnig: http://fornleifur.blog.is/blog/fornleifur/entry/1203774/

[Sigurgeir Jónsson, 15.11.2011 kl. 21:28]

Nú ríður á að Skálholtsprestur vígi Þorláksbúð strax, eins og hún er.Húsafriðunarnefnd né aðrir hafa ekki vald til að krefjast þess að vígt hús sé jafnað við jörðu.Til þess þarf að afhelga það.Guð blessi Þorláksbúð og Þorláksbúðarfélagið.

[Haraldur Haraldsson, 16.11.2011 kl. 00:19]

Bjarni þú bloggvinur !!!sem er trúlaus hvers vegna viltu varðveita þetta????Kveðja

[Torfi Kristján Stefánsson, 16.11.2011 kl. 12:10]

Er svarið ekki augljóst? Keppni við Árna Johnsen í fyrirgreiðslupólitík! Það verða bráðum kosningar ...

[Haraldur Haraldsson, 16.11.2011 kl. 19:51]

Bíð eftir svari frá Bjarna vini mínum!!!!

[Jóhann (IP-tala skráð) 18.11.2011 kl. 00:33]

Trúleysinginn Bjarni biður sínar bænir meðfram klerkanna sem hann hefur ekki minnstu trú á.

Bitlingaæta andskotans, en andskotinn er jú ekki til.