Kjötiðnaðarmaðurinn fótknái

 

 

 

Kjötiðnaðarmaðurinn í Lahore notar báðar hendur og annan fótinn þar sem hann hamast við að úrbeina svið. Á minni myndinni má sjá glitta í kunnuglegt lostæti, sviðnar lappir, vambir, lifur og sviðahausa.

Sem snöggvast datt mér í hug að kenna manninum að sauma vambir með hinum fætinum en ákvað svo að eiga þá tækni bara sjálfur.

Athugasemdir

[Helgi Ingólfsson (IP-tala skráð) 4.2.2012 kl. 13:11]

Sæll, Bjarni.

Þetta er, held ég, lang-húmorískasta og frumlegasta bloggið, sem hægt er að lesa á netinu um þessar mundir. Hreint frábær, þessi hæfilega blanda af texta og ljósmyndum, af framandi og furðulegu þjóðlífi og vinnustöðum. Vinkill hinn heimsvana Flóamanns bætir síðan extra-kryddinu í fullkominn réttinn.

Til hamingju með þetta.

 Helgi Ingólfsson

[Sigrún Sigurgeirsdóttir (IP-tala skráð) 9.2.2012 kl. 10:16]

Dásamlegt :) Oft hef ég úrbeinað og unnið í kjöti, en þessi aðferð hefur einhvern vegin farið framhjá mér!

Það er gaman að geta kynnst lífinu í þessum heimshluta með hjálp fjölskyldunnar þinnar. Frásagnalistina eigið þið öll í ríkum mæli: þú, Eva og Egill og eflaust fleiri í hópnum (ég hef bara ekki lesið efni frá Elínu og hinum strákunum).

[Eyjólfur Jónsson, 11.2.2012 kl. 19:13]

Sæll Bjarni, þessi Helgi Ingólfsson er hann sonur Ingólfs Bárðarsonar úr kjötinu hjá KÁ? og er þessi Sigrún Sigurgeirs er hún dóttir hans Geira í kjötbúðinni (KÁ)? En það er svo margt skrítið þarna á Selfossi eins og td. brúin, en hún ætti að vera niður við Haga eða uppi við Glóru þar sem e miklu meira pláss og allt rennislétt. Hildiþór er sennilega ennþá ekki búin að fyrirgefa Vegagerðinni fyrir að flytja gatnamótin frá Ingólfsfjalli niður í bæ þegar hann loksins var farinn að hafa það gott. Ég allavega hefði farið í mál við Vegagerðina eða Geira á Fossi.