Óþolandi Afríkufordómar

...en mér skilst að tannheilsa íslenskra barna sé verri en tannheilsa barna í Mósambík, segir formaður Tannlæknafélags Íslands.

Þetta er ekki i fyrsta skipti sem við sjáum  ummæli af þessu tagi. Hér er eitthvað svooooo vont að það er jafnvel verra en í Afríku.

Tilfellið er að þrátt fyrir eilífar fréttir af hörmungum í Afríku þá er margt þar mjög gott. Það eru engin náttúrulögmál að þar eigi ekki og megi ekki vera heilbrigðisþjónusta. Sjálfur hef ég tvisvar komist í tæri við Afríska spítala, var einu sinni svæfður á svoleiðis í afskektum fjallasal í Úganda og hef einu sinni lagt ungling inn á spítala í Mombasa. Svo fylgdist ég grannt með því þegar dóttir mín leitaði sér lækninga á hátæknisjúkrahúsi í Nairobí. Það er einn besti spítali í heimi þegar kemur að hitabeltissjúkdómum. Reynslan af öllu þessum heimsóknum var frekar góð og það er langt því frá að fátækar þjóðir geti ekki staðið vel að hlutum. 

Ég hef aldrei komið til Mósambík og kannski misst af einhverri frétt um tannheilsu þar en við eigum einfaldlega ekkert með að tala með svona virðingarleysi um fjarlægar þjóðir þó þar sé ekki alveg sami flottræfilsháttur á og hér heima. 

Og bara í lokin - vissulega þurfum við að taka okkur á þegar kemur að tannheilsu barna og koma tannlækningum undir sama hatt samhjálpar og aðrar lækningar.  

Tannheilsan er verri en í Mósambík

Athugasemdir

[Hörður E. Hall. (IP-tala skráð) 26.3.2013 kl. 16:17]

Svo vill "allt góða" fólkið í Smáfylkingunni og VG heldur setja peninga í þróunarhjálp til Afríku heldur en að efla heilbrigðiskerfið hér á landi.

[Máni (IP-tala skráð) 26.3.2013 kl. 17:04]

Fátæka fólkið í Kenía burstar sínar tennur með sérstakri plöntu. Það er framkvæmt þannig að slitin er grein af plöntunni, endinn svo tugginn þar til hann er sem líkastur bursta og voilá, þá er hægt að bursta tennurnar tannkremslaust. Skák og mát karíus og baktus.

[Ásgrímur Hartmannsson, 26.3.2013 kl. 19:44]

Formanni tannlæknafélagsins til varnar, þá benti hann á ákveðið land í Afríku.

En Afríka er náttúrlega heimsálfa þar sem búa ansi margar þjóðir með marga siði.

[Kalli Sveinss (IP-tala skráð) 26.3.2013 kl. 21:12]

Félagi Bjarni !

  Aha !- Skýring komin hví netfangið sem þú ætlaðir á sínum tíma eingöngu aðstoðarmanni þínum á Alþingi - lenti "útum allt" - og þú einnig úti !

 Fullkomnlega auðsætt. Þú hafðir sem sé nýlega verið " svæfður á spítala í afskektum fjallasal í Úganda" !! Kom Údi Amen í heimsók til þín á spítalann ?? !

 Í dag hefði verið sælt að vera framsóknarmaðuir - opinn í báða enda - með nærri þriðja hvern þingmann eftir næstu kosningar !"Regnboginn" gjörsamlega horfinn - stöðugir þurrkar - og ný vinstri stjórn í farvatninu - eða kannski í kjalsoginu ?? !

 Hluti landsmanna farnir að skjálfa fyrirfram við þá tilhugsan. Eða sem Rómverjar sögðu.: " "Ante tubam trepidat" - þ.e. " Byrjaðir að skjálfa  fyrirfram" !