Íhaldið á hnén og allt vitlaust að gera hjá fyrrverandi pólitíkus

Í andarslitrum ríkisstjórnar Geirs H. Haarde var ekki hægt að sjá fyrir gagnólíka vegferð Sjálfstæðisflokks og Samfylkingar fram að kosningum. Flest er Sjálfstæðisflokknum mótdrægt á meðan Samfylkingin siglir þöndum seglum í kosningasigur....

 

Páll Vilhjálmsson skrifar beittan pistil í morgun um fall Sjálfstæðisflokksins og hvernig stríðsgæfan hefur  leikið stóru flokkana tvo með ólíkum hætti. Og af því að ég nenni ekki og má ekki vera að því að blogga núna læt ég duga tilvísun á Pál.

Það er svo skrýtið í lífinu að það er aldrei meira að gera en einmitt millum vita þegar ekkert er við hendi fast. Verð að rjúka...

Athugasemdir

[Offari, 15.4.2009 kl. 10:46]

Veist ég held að Samfylkingin og Sjálfstæðisflokkur myndi næstu ríkisstjórn. Því ég tel að Samfylkingin eigi auðveldara með að snúa Sjálfstæðisflokknum í Esb átt en VG.

Þrátt fyrir yflýsingar Samfylkingar um vanhæfi Sjálfstæðisflokksins mun Samfylkingin frekar vinna með vanhæfum en að fórna Esb aðild.

[Bjarni Harðarson, 15.4.2009 kl. 10:49]

Rosalega er ég hræddur við að þú hafir rétt fyrir þér offari...

[Baldur Hermannsson, 15.4.2009 kl. 11:19]

Rosalega er ég viss um að þið hafið báðir rangt fyrir ykkur. Það gengur ekki hnífurinn milli Össurar og Steingríms. Þeir munu sitja að sumbli næstu 4-12 árin. En íhaldið fór aldrei nema á annað hnéð og nú er það að rísa.

[Offari, 15.4.2009 kl. 12:16]

Ég vona svo sannarlega að þú hafir rétt fyrir þér Baldur. Því ég treysti Steingrím til að standa við orð sín. Og hafna aðild.

[Baldur Hermannsson, 15.4.2009 kl. 12:46]

Offari, ég hef ALLTAF rétt fyrir mér

[Ragnar Gunnlaugsson, 15.4.2009 kl. 13:36]

Heldur vil ég sjá Sjálfstæðisflokkinn utan stjórnar en í stjórn með Samspillingunni sá flokkur er als ekki stjórn tækur,að mínu áliti.

Mestu mistök Sjálfstæðisflokksins voru að slíta ekki síðustu stjórn þegar fyrir lá að Samfylkingin var ávalt í stjórnar andstöðu og unnu stöðugt að gera ástandið verra. Hrópuðu á torgum gjaldmiðillin er ónýtur við verðum að komast í ESB. Dæmalaus hópur sundur lausra einstaklinga.

[Baldur Hermannsson, 15.4.2009 kl. 13:43]

Sjálfstæðisflokkurinn má alls ekki láta tæla sig í stjórn með vinstri flokkunum. Nú verða þeir að varðveita sveindóminn sem best þeir mega.

[Bjarni Kjartansson, 15.4.2009 kl. 15:17]

Ef íhaldið skilur ekkert hver stakk þá í bakið, með mjög góðum leiðbeiningum, þá er mönnum ekki viðbjargandi.

Ef Sfl fer með Samspillingunni gef ég ekki mikið fyrir lærdósmgáfur minna manna.

Heldur vil ég fá Nýsköpunarstjórn, því það er akkurat það sem við þurfum en ekki Kratastjórn með Viðskiptaráðherra sem telur sitt hlutverk það einna helst vera að ganga erinda erlendra spekulanta og fjárglæframanna annarra, sem gert hafa atlögur að Krónu okkar og SJÁLFSTÆÐI --VITANDI VITS.

Mér er gróflega misboðið með vangaveltum í þa´veru, að Flokkurinn fri aftur í haughús SF.

Miðbæjaríhald

fyrrum kúarektor í Stardal

[Soffía Valdimarsdóttir, 16.4.2009 kl. 09:00]

Skelfing er ég hrædd um að Fl-okkurinn fái að minnsta kosti sín 30%. Það er svo mikið til af fávitum á Íslandi!

[(IP-tala skráð) 16.4.2009 kl. 09:25]

Ég deili með þér áhyggjum þínum Soffía.

[Baldur Hermannsson, 16.4.2009 kl. 10:31]

30%, það væri þá fágætur varnarsigur eftir allar þær hamslausu árásir sem sá góði flokkur hefur mátt þola. Reyndar spáði ég 31-35 á sínum tíma, en það var bjartsýnisspá.