Ógnir lýðræðisins

Á okkar dögum steðjar önnur hætta að lýðræðinu. Það er linnulaus margra áratuga áróður menntamanna að til sé fagleg og rétt ákvörðun í stjórnmálum. Með réttri menntun og mælingum menntamanna megi til dæmis komast að því hvar eigi að virkja eða hvernig haga beri samningum við erlend ríki.

Það sé auðvitað afar slæmt ef „pólitíkin“ kemst að í slíkum málum og grunnhyggnir stjórnmálamenn lemja hvern annan í hausinn með því að segja þú ert pólitískur, ég er faglegur! Flokksræði og margskonar spilling sem þrífst í skjóli þess hefur um leið grafið undan öllu því sem kennt er við stjórnmál og pólitík verður ranglega að skammaryrði.

Sjá nánar í grein okkar Valdísar Steinarsdóttur, hér eða í Mogganum í dag!

 http://bjarnihardar.blog.is/blog/bjarnihardar/entry/1293811

Athugasemdir

[Hilmar (IP-tala skráð) 18.4.2013 kl. 08:57]

Það er ekki hægt að kenna "common sense". Og þar stendur hnífurinn á bólakafi í beljunni, þar sem ekki er hægt að kenna almenna skynsemi, þá er ekki hægt að ráða embættismenn með þá kröfu að þeir hafi hana til að bera.

Með öðrum orðum, fullkomlega vanhæfur einstaklingur getur menntað sig nægilega mikið, til að allir hans persónulegu gallar verði honum ekki fjötur um fót innan kerfisins.

Það verður náttúrulega að benda á þá staðreynd, að þessir ofurmenntuðu gallagripir leita allir á náðir ríkisins í leit að störfum, enda eru áberandi persónulegir brestir ekki vel séðir í vel reknu einkafyrirtæki.

Staðan er því sú, að ofurmenntaðir hálfvitar ráða för, og þeir taka til sín sífellt meiri völd.

Lítið bara á Brussel, ef þið trúið mér ekki.

[Vilhjálmur Örn Vilhjálmsson, 18.4.2013 kl. 11:25]

Fasisminn í Evrópu er ekki embættismönnum að kenna. Hann er siðblindum stjórnmálamönnum að kenna, stjórnmálamönnum sem eru lýðskrumarar og oftast nær illa menntaðir. Sumir taka meira að segja upp á því að ljúga sér til menntun. 

Lýðskrum Bjarna sýnir að hann gæti vel meikað það í ESB, þó hann sé á móti þeirri samkundu. 

Bjarni er nógu klár til að sjá gallana, en hann gerir menntun og sérfræðiþekkingu að blóraböggli. Bjarni er því lýðskrumari.

Það er margt skrítið í henni veröld.

[Hilmar (IP-tala skráð) 18.4.2013 kl. 12:05]

Ætli fasisminn í Evrópu sé ekki hinum illa menntaða Churchill að kenna? Hvað veit ég, ekki með þrjú doktorspróf, og hef aldrei unnið hjá ríkinu.

Annars mætti kannski benda dr. Vilhjálmi á, að ESB er samkunda doktora í hagfræði, viðskiptafræði og lögfræði. Ekki er óþekkt að doktorar í fiskaklámi reyni að smygla sér þar inn, til að fá sama aðgang að kampavíni og aðrir doktorar.

Venjulegt fólk með venjulega menntun, við fasistarnir, berum barasta enga ábyrgð á'essu batteríi. Það er því eiginlega þú dr. Vilhjálmur, sem skerð þig úr, andstæðingur ESB en ættir skv menntun að vera fylgjandi.

[Vilhjálmur Örn Vilhjálmsson, 18.4.2013 kl. 16:07]

Hilmar, sýndu, máli þínu til sönnunar, lista og skrár yfir alla þá hirð doktora sem setja stefnuna fyrir stórríkið ESB ?