Við Lára Hanna og Framsókn...

Lára Hanna Einarsdóttir mentioned you in a comment.

Lára Hanna ritaði "Ég held að hann Bjarni Harðarson hafi vitað - og viti enn - alveg nákvæmlega hvað hann var að segja þarna. Honum ofbauð og hann sagði sig úr flokknum. Við vitum öll, eða þeir sem hafa haft augu og eyru opin, að spillingaröflin í Framsóknarflokknum hafa verið gríðarlega sterk og valdamikil. Af hverju þessi afneitun? Til hvers er hún? Af hverju að kjósa yfir okkur tvo af gjörspilltustu auðmannadekurflokkum landsins fyrr og síðar?

Mér finnst þetta í alvöru talað hámark ábyrgðarleysis hjá kjósendum.

http://blog.pressan.is/larahanna/2013/03/01/hvad-sem-thad-kostar/"

Þjóðin á rétt á að kjósa

...

Þjóðaratkvæðagreiðslur um stór hagsmunamál eru vitaskuld lykill að farsælli nálgun mála. Við sem barist höfum gegn ESB aðild og hverskyns fullveldisskerðingu höfum margoft farið fram á þjóðaratkvæði um þau mál. Við vildum þjóðaratkvæði um EES, við vildum þjóðaratkvæði um það hvort hefja skyldi viðræður um ESB aðild og það hefur réttilega verið nefnt að Shengen samstarfið verðskuldar að vera sett í þjóðaratkvæði.

Þegar áróður ESB hér innanlands hefur verið stöðvaður með lokun Evrópustofu, slitum á viðræðum og stöðvun siðlausra aðlögunarstyrkja þá er sjálfsagt og eðlilegt að efna til kosninga þar sem allt samstarf okkar við viðskiptaþjóðir okkar í Evrópu og ESB verður lagt undir.

Aðildarsinnar hafa um áratugi hundsað allar okkar tillögur um þjóðaratkvæði og barist gegn þeim með oddi og egg. Látum þá ekki blekkja okkur nú með því að það séu þeir sem standi fyrir lýðræðinu á móti þjóðarmeirihlutanum sem vill svo sannarlega, eins og kannanir hafa margoft sýnt, taka ESB brautarteinana úr sambandi.

Kjósum með Íslandi og fullveldi þess. Kjósum fólk sem þorir að berjast gegn ESB aðlögun. Setjum X við J á kjördag.

Sjá nánar í grein minni á Smugunni, http://smugan.is/2013/04/vid-viljum-tafarlaus-vidraeduslit/

Sovéskar kosningar...

Lýðræðisumræða ESB sinna minnir okkur óþægilega á að í gömlu kommúnistaríkjunum var almúginn oft og einatt rekinn á kjörstað til að kjósa en var samt alltaf jafn fjarri því að ráða nokkru um sitt samfélag.

Sjá nánar á hinum glæsilega vef Neiesb.is http://neiesb.is/2013/04/pakkakikir-platar-sifellt-fleiri/

Pakkakíkir platar sífellt fleiri

Ef nógu margir menn endurtaka sömu ósannindin aftur og aftur þá kemur að því að þau eru höfð fyrir satt. Grængolandi Samfylkingarlygi um „samningaviðræður" við ESB og pakka sem hægt sé að kíkja í hafa nú verið tuggin upp í fjölmiðlum í meira en áratug. Nú er svo komið að þeir sem tala fyrir því að stöðva aðlögunarferlið að ESB eru taldir sérlegir ójafnaðarmenn og hatursmenn lýðræðis en flokkar sem hugsa stórt í komandi kosningum þora illa annað en að friðmælast við lygina og taka undir með að kíkt sé í pakkann.

„Líka Brútus," sagði félagi minn úr baráttunni þegar talið barst að þeirri þögn sem er um ESB málið í kosningabaráttunni. Ég var smá stund að átta mig enda oft seinn að skilja orðaleiki en við kvöddumst dulítið daprir yfir að þeim öflugu liðsmönnum Heimssýnar sem nú keppast við þegja fullveldisbaráttuna af sér.

Sjá nánar á hinum glæsilega vef Neiesb.is http://neiesb.is/2013/04/pakkakikir-platar-sifellt-fleiri/

 

Að ekki mætti bera fé á dóminn...

Í þá tíð þegar formaður VG talaði enn svolítið sem andstæðingur ESB aðildar notaði hann orðtækið að ekki mætti „bera fé á dóminn" í hinu lýðræðislega ferli ríkisstjórnarinnar sem átti að geta af sér aðildarsamning. Það mætti semsagt ekki leyfa ESB að koma hér inn með sérstaka styrki og áróðurspeninga enda myndi slíkt brengla algerlega hina lýðræðislegu nálgun að þjóðin gæti hlutlaust og yfirvegað tekið afstöðu til aðildar að fengnum „aðildarsamningi".

Við sem hlustuðum á formanninn héldum að nú myndi hann hjálpa okkur að stöðva óeðlilega tilburði ESB til að koma upp áróðursskrifstofum og auðvitað var það nú dregið sem strik að aðlögunarstyrkir yrðu ekki samþykktir meðan VG væri á stjórnarvaktinni. Eða það héldum við. Sjá nánar í grein minni á Smugunni, http://smugan.is/2013/04/vid-viljum-tafarlaus-vidraeduslit/

Þrjár ástæður fyrir því að EKKI á að kjósa um ESB

Það eru þrjár augljósar ástæður fyrir því að EKKI á að efna til kosninga um meintar ESB viðræður. Í fyrsta lagi af því að það hafa engar viðræður farið fram, í öðru lagi vegna þess að ESB hefur borið fé á dóminn og í þriðja lagi vegna þess að ferlið er frá upphafi grundvallað á lygi, ofbeldi og afbökun lýðræðis.

Við ESB andstæðingar höfum barist fyrir þjóðaratkvæði um fullveldismál í áratugi en andstæðingar okkar komið þar í veg fyrir. Við viljum enn efna til þjóðaratkvæðagreiðslu um ESB mál en það verða að vera hlutlausar kosningar án utanaðkomandi afskipta. 

Sjá nánar í grein minni Smugunni, http://smugan.is/2013/04/vid-viljum-tafarlaus-vidraeduslit/

Gefið okkur ranglætið aftur!

Meðan íslenskir smákapítalistar erfiða í blankheitum með eigin kennitölu að veði, hús sín lögð undir við bankann og jafnvel ábyrgðaryfirlýsingu frá maka sínum þá siglir framúr þeim fagurbúin skúta stórfyrirtækja. Allt svo glansandi nýtt og ríkmannlegt. Ekki vegna þess að arðsemi hinna síðarnefndu sé svo mikil, heldur vegna þess að lygi þeirra er stærri en okkur kann að dreyma hér í Flóanum.

Við sjáum fyrirtæki eins og pizzakeðjur gera innrás inn í bæinn með forstjórann í þyrlu. Enginn talar um að nokkrum misserum fyrr hefur almenningur lagt þessu fyrirtæki til hundruðir milljóna í gegnum afskriftir.

Sjá nánar grein mína, Markaðssamfélag og réttlæti  

Um lygasögu markaðshyggjunnar

Okkur Laugaráskrökkunum þótti uppsveitin heima heldur útúrboruleg og strjál. Varla að þar væri mjög fjölbreytilegt mannlíf. Sérstaklega átti þetta nú við um Eystri Tunguna sem var ekkert nema Pollengið og þar upp af endalausir gróðurlausir melar. Fráleitt að þar gætu þrifist fleiri en ein fyndni og ein lygasaga í senn. Kannski þó að þar væru einhverjar úreltar kerlingar með aðrar meiningar en slíkar töldust ekki með.

Með árunum hef ég komist að því að þetta var rétt. Ekki bara um Eystri Tunguna heldur jarðarpönnukökuna sem slíka. Á henni er yfirleitt ekki nema ein skoðun, einn sannleikur í einu ef frá kannski taldir örfáir afdalamenn sem er á hverjum tíma reynt að drepa eða þegja af sér eins og óværu.

... 

Sjá nánar grein mína, Markaðssamfélag og réttlæti 

Kosning um ESB aðild er kosning um endalok lýðræðis

...

Ríki geta verið fullvalda án þess að vera lýðræðisríki og Norður Kórea er sorglegt dæmi um það. En þetta getur ekki snúið öfugt. Ríki geta vitaskuld ekki verið lýðræðisríki ef þau eru ekki fullvalda. Hversu mjög sem Tíbetum langar að búa í lýðræðisríki eiga þeir engan kost á því fyrr en þeir losna undan heimsveldi kommúnistanna í Bejing. Sama á við Kýpur og Grikkland sem eru nú troðin undir járnhæl fjármálafurstanna í Brusselvaldsins. Í hjálendu heimsveldis getur almenningur ekki tekið völdin til sín nema ná þeim fyrst frá heimsveldinu.

Öfugt við orðagjálfur reglugerðarmeistara hins faglega valds þá fjallar lýðræðið um raunverulega hluti, raunverulegt vald, raunveruleg yfirráð. Ef að yfirráð yfir landi, lagasetningu þess, auðlindanýtingu, dómum og innra skipulagi eru flutt í hendurnar á stærra og voldugra kerfi þá geta sömu völd ekki á sama tíma verið í höndum stjórnarinnar heima. Heimsveldi allra tíma hafa reynt að skrökva þessu að almúganum. Þau koma fyrir einhverskonar leppstjórnum í hjálendum sínum og fela þeim málamyndahlutverk en völdin eru raunverulega horfin. Land sem lent hefur undir hrammi stórveldis er ekki fullvalda ríki og þar verður ekki lýðræði fyrr en heimsveldið hefur verið brotið á bak aftur.

Sjá nánar í grein okkar Valdísar, http://bjarnihardar.blog.is/blog/bjarnihardar/entry/1293811 

Ógnir lýðræðisins

Á okkar dögum steðjar önnur hætta að lýðræðinu. Það er linnulaus margra áratuga áróður menntamanna að til sé fagleg og rétt ákvörðun í stjórnmálum. Með réttri menntun og mælingum menntamanna megi til dæmis komast að því hvar eigi að virkja eða hvernig haga beri samningum við erlend ríki.

Það sé auðvitað afar slæmt ef „pólitíkin“ kemst að í slíkum málum og grunnhyggnir stjórnmálamenn lemja hvern annan í hausinn með því að segja þú ert pólitískur, ég er faglegur! Flokksræði og margskonar spilling sem þrífst í skjóli þess hefur um leið grafið undan öllu því sem kennt er við stjórnmál og pólitík verður ranglega að skammaryrði.

Sjá nánar í grein okkar Valdísar Steinarsdóttur, hér eða í Mogganum í dag!

 http://bjarnihardar.blog.is/blog/bjarnihardar/entry/1293811